നിയമസഭയില്‍ പ്രതിപക്ഷത്തിനെതിരെ ആഞ്ഞടിച്ച് മുഖ്യമന്ത്രി പിണറായി വിജയന്‍. 2011- മുതല്‍ 2016 വരെയുള്ള ഡഉഎ ഭരണം അഴിമതിയുടെ കൂത്തരങ്ങായിരുന്നുവെന്ന് നിയമസഭയില്‍ മുഖ്യമന്ത്രി പിണറായി വിജയന്‍ പറഞ്ഞു.
നാടിന് ശാപമായി മാറിയ ഭരണമായിരുന്നില്ലേ അത്. ജനങ്ങള്‍ ഇത് മറക്കില്ല. ആ വിഷയങ്ങള്‍ ഉന്നയിച്ചാല്‍ പ്രതിപക്ഷത്തിന് എന്താണ് ബേജാര്‍?അഴിമതി രഹിത ജനക്ഷേമ പദ്ധതികളുമായി മുന്നോട്ട് പോകുന്ന എല്‍ഡിഎഫ് സര്‍ക്കാരിനെതിരെ നടത്തിയ നുണപ്രചാരണങ്ങളെല്ലാം ജനങ്ങള്‍ തള്ളിക്കളഞ്ഞു. ഉളുപ്പ് എന്നത് ഇല്ലാത്തത് കൊണ്ടാണ് ചിരിക്കാന്‍ നിങ്ങള്‍ക്ക് കഴിയുന്നത്. അഴിമതിയില്‍ മുങ്ങിക്കുളിച്ചവര്‍ അഴിമതി തൊട്ടു തീണ്ടാത്തവരെ ആക്ഷേപിക്കാന്‍ ഇറങ്ങി പുറപ്പെട്ടാല്‍ അത് അംഗീകരിക്കാനാവില്ലെന്നും മുഖ്യമന്ത്രി പറഞ്ഞു.
ജനങ്ങളുടെ കരണത്ത് അടിയേറ്റിട്ടും പാഠം പഠിക്കാത്ത പ്രതിപക്ഷം നുണകളുമായി വീണ്ടും ഇറങ്ങി തിരിഞ്ഞിരിക്കുകയാണ്. ആ വേല ഇവിടെ വിലപ്പോവില്ല.യുഡിഎഫ് കാലത്തെ കൊള്ളകളെ പറ്റിയുള്ള അന്വേഷണങ്ങള്‍ വിവിധ ഘട്ടങ്ങളിലാണെന്നും മുഖ്യമന്ത്രി പറഞ്ഞു.
