കോഴിക്കോട്: കെ. എം ഷാജി എംഎല്‍എക്ക് ഹൃദയാഘാതം. കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ച അദ്ദേഹത്തെ ആന്‍ജിയോപ്ലാസ്റ്റിക്ക് വിധേയനാക്കി. ഇതിന് മുന്നോടിയായി നടത്തിയ പരിശോധനയില്‍ അദ്ദേഹത്തിന് കോവിഡ് സ്ഥിരീകരിച്ചിരുന്നു. ഇന്ന് നടത്തിയ ആന്റിജന്‍ പരിശോധനയിലാണ് അദ്ദേഹം പോസിറ്റീവായത്. അഴീക്കോട് സ്‌കൂളിന് പ്ലസ് ടു അനുവദിച്ചതിന് 25 ലക്ഷം രൂപ കോഴ വാങ്ങിയെന്ന കേസില്‍ കഴിഞ്ഞ ദിവസം വിജിലന്‍സ് സംഘം ഷാജിയെ ചോദ്യം ചെയ്തിരുന്നു. ഷാജിക്ക് രോഗം സ്ഥിരീകരിച്ച സാഹചര്യത്തില്‍ ഉദ്യോഗസ്ഥര്‍ നിരീക്ഷണത്തില്‍ പോകേണ്ടി വരും.
