കൊച്ചി: എറണാകുളത്ത് ഷിഗെല്ല സ്ഥിരീകരിച്ചതോടെ ജില്ലയില്‍ ജാഗ്രതാ നിര്‍ദേശം കര്‍ശനമാക്കി ജില്ലാ ഭരണകൂടം. ചോറ്റാനിക്കര സ്വദേശിയായ 56കാരിക്കാണ് ഇന്നലെ ഷിഗെല്ല രോഗം സ്ഥിരീകരിച്ചത്. പനി, വയറിളക്കം തുടങ്ങിയ ലക്ഷണങ്ങളുമായി എത്തുന്നവരെ ഷിഗെല്ല പരിശോധനക്ക് വിധേയരാക്കണമെന്ന് ജില്ല ആരോഗ്യ വിഭാഗം സര്‍ക്കാര്‍-സ്വകാര്യ ആശുപത്രികള്‍ക്ക് നിര്‍ദേശം നല്‍കി.
സ്വകാര്യ ആശുപത്രി ലാബിലെ പരിശോധനയിലാണ് 56കാരിക്ക് രോഗബാധ സ്ഥിരീകരിച്ചത്. സര്‍ക്കാര്‍ ലാബിലെ പരിശോധനയില്‍ ഫലം വെള്ളിയാഴ്ച ലഭിക്കും. ഔദ്യോഗികമായി ഫലം പുറത്ത് വന്നില്ലെങ്കിലു0ം ജില്ല ഭരണകൂടം പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കിയിട്ടുണ്ട്.
