തിരുവനന്തപുരം: ഇടതുമുന്നണി നേടിയത് വന്‍ വിജയമെന്ന് സിപിഐഎം സംസ്ഥാന സെക്രട്ടറി എ വിജയരാഘവന്‍. കേരള പര്യാടനത്തില്‍ എല്ലാ ജില്ലകളും മുഖ്യമന്ത്രി സന്ദര്‍ശിക്കും. എല്ലാ വിഭാഗം ആളുകളെയും കാണും. ഭരണത്തുടര്‍ച്ചയ്ക്കാവശ്യമുള്ള തയ്യാറെടുപ്പ് നടത്തും. തദ്ദേശജനവിധി സംസ്ഥാന സര്‍ക്കാരിനുള്ള അംഗീകാരമെന്ന് എ വിജയരാഘവന്‍ പറഞ്ഞു.
നിയമസഭാ തെരഞ്ഞെടുപ്പിന് മുമ്ബ് മുഖ്യമന്ത്രി പിണറായി വിജയന്‍ സംസ്ഥാന പര്യടനം നടത്തും. വിവിധ വിഭാഗം ജനങ്ങളുമായി കൂടിക്കാഴ്ച നടത്തി അഭിപ്രായങ്ങള്‍ സ്വരുപീക്കുകയാണ് ഇതിന്‍െറ ലക്ഷ്യമെന്നും വിജയരാഘവന്‍ പറഞ്ഞു.
മുഖ്യമന്ത്രിയുടെ സംസ്ഥാന പര്യടനം ഡിസംബര്‍ 22ന് രാവിലെ കൊല്ലത്ത് നിന്നാണ് ആരംഭിക്കുന്നത്. അതേദിവസം തന്നെ വൈകുന്നേരം പത്തനംതിട്ടയിലും എത്തും. 23ന് രാവിലെ ഇടുക്കി, വൈകീട്ട് കോട്ടയം. 24ന് തിരുവനന്തപുരത്ത് തിരിച്ചെത്തുന്ന മുഖ്യമന്ത്രി മന്ത്രിസഭായോഗ ശേഷം വിവിധ മേഖലകളിലുള്ളവരുമായി കൂടിക്കാഴ്ച നടത്തും.
ഡിസംബര്‍ 26 -കണ്ണൂര്‍, കാസര്‍കോട്. 27 -കോഴിക്കോട്, വയനാട്. 28 -മലപ്പുറം, പാലക്കാട്. 29 തൃശൂര്‍. 30 രാവിലെ എറണാകുളം. വൈകീട്ട് ആലപ്പുഴയിലെ കൂടിക്കാഴ്ചയോടെ പര്യടനം അവസാനിക്കും.
