മസ്കത്ത്: ന്യൂനമര്ദ പാത്തി രൂപംകൊണ്ടതിന്റെ ഫലമായി ഒമാന്റെ വടക്കന് ഗവര്ണറേറ്റുകളില് തിങ്കളാഴ്ച രാവിലെ മുതല് മഴയുണ്ടാകുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. മുസന്ദം ഗവര്ണറേറ്റിലാണ് മഴ തുടങ്ങുക. ഇടിയുടെയും കാറ്റിന്റെയും അകമ്പടിയോടെയുള്ള കനത്ത മഴയുടെ ഫലമായി വെള്ളപ്പൊക്കത്തിന് സാധ്യതയുണ്ട്.
വടക്കന് ബാത്തിന, ബുറൈമി ഗവര്ണറേറ്റിലേക്കും മഴ വ്യാപിക്കും. ന്യൂനമര്ദ പാത്തി കടന്നുപോകുന്നതിന്റെ ഫലമായി മസ്കത്ത്, തെക്കന് ബാത്തിന, ദാഖിലിയ, വടക്കന് ശര്ഖിയ, തെക്കന് ശര്ഖിയ മേഖലകളില് ചൊവ്വ, ബുധന് ദിവസങ്ങളിലും മഴ പെയ്യും. വടക്കു കിഴക്കന് കാറ്റിന്റെ ഫലമായി അന്തരീക്ഷ താപനിലയിലും കാര്യമായ കുറവുണ്ടാകും. കടല് പ്രക്ഷുബ്ധമായിരിക്കുകയും ചെയ്യും.
