തിരുവനന്തപുരം: യുഎഇ കോണ്സുലേറ്റ് ഈന്തപ്പഴം വിതരണം ചെയ്തത് മുന് പ്രിന്സിപ്പല് സെക്രട്ടറി എം.ശിവശങ്കറിന്റെ നിര്ദേശ പ്രകാരമെന്ന് സാമൂഹിക നീതി വകുപ്പ്. വിവരാവകാശ നിയമ പ്രകാരം നല്കിയ ചോദ്യങ്ങള്ക്ക് മറുപടിയായാണ് സാമൂഹിക നീതി വകുപ്പ് ഇക്കാര്യം അറിയിച്ചത്.
9973.50 കിലോ ഗ്രാം ഈന്തപ്പഴമാണ് യുഎഇ കോസുലേറ്റ് വിതരണം ചെയ്തത്. 250 ഗ്രാം വീതം 39,894 പേര്ക്ക് നല്കുകയും ചെയ്തു. ഇത് സംബന്ധിച്ച് സാമൂഹിക നീതി വകുപ്പ് ഡയറക്ടര് ടി.വി അനുപമ കസ്റ്റംസിന് നേരത്തെ മൊഴി നല്കിയിരുന്നു. ശിവശങ്കറിന്റെ നിര്ദേശ പ്രകാരം ഈന്തപ്പഴം വിവിധ അനാഥാലയങ്ങള്ക്ക് വിതരണം ചെയ്തെന്ന് കണ്ടെത്തിയതിനെ തുടര്ന്ന് കസ്റ്റംസ് ശിവശങ്കറിനെ വിളിച്ചു വരുത്തി ചോദ്യം ചെയ്തിരുന്നു.
2017ല് യുഎഇ കോണ്സുലേറ്റ് വഴി ഈന്തപ്പഴം കേരളത്തിലെത്തിച്ച് വിതരണം ചെയ്തതിന് കള്ളക്കടത്ത് ബന്ധമുണ്ടോയെന്ന് അന്വേഷണം നടക്കുന്നുണ്ട്. ഈന്തപ്പഴ വിതരണത്തിന്റെ മറവില് സ്വപ്ന സുരേഷും കൂട്ടുപ്രതികളും സ്വര്ണക്കളളക്കടത്ത് നടത്തിയോയെന്നും ഈന്തപ്പഴ വിതരണത്തിലുണ്ടായ പ്രോട്ടോകോള് ലംഘനവും കസ്റ്റംസ് പരിശോധിച്ചിരുന്നു.
