തിരുവനന്തപുരം: സംസ്ഥാനത്തെ സ്‌കൂളുകള്‍ തുറക്കുന്ന വിഷയത്തില്‍ വിദഗ്ധ സമിതി ഇന്ന് റിപ്പോര്‍ട്ട് സമര്‍പ്പിക്കും. സമിതി തലവന്‍ ജെ.പ്രസാദ് വിദ്യാഭ്യാസമന്ത്രി സി.രവാന്ദ്രനാഥിനാണ് റിപ്പോര്‍ട്ട് നല്‍കുക.
ഈ മാസം 15 മുതല്‍ ഘട്ടങ്ങളായി സ്‌കൂളുകള്‍ തുറക്കാമെന്ന് കേന്ദ്ര നിര്‍ദേശം ഉണ്ടെങ്കിലും കോവിഡ് വ്യാപനം രൂക്ഷമായി തുടരുന്ന സാഹചര്യത്തില്‍ പല സംസ്ഥാനങ്ങള്‍ക്കും ഇതിനോട് താല്‍പര്യമില്ല. പിണറായി സര്‍ക്കാര്‍ നിയോഗിച്ച വിദഗ്ധ സമിതിയും ഉടന്‍ സ്‌കൂളുകള്‍ തുറക്കേണ്ട എന്ന നിഗമനത്തിലാണെന്നാണ് സൂചന.
സ്‌കൂള്‍ തുറന്നാല്‍ ആദ്യം 10, 12 ക്ലാസുകളിലെ വിദ്യാര്‍ത്ഥികളെ ക്ലാസിലെത്തിക്കാനാണ് നിര്‍ദ്ദേശം. പിന്നീട് 9, 11 ക്ലാസ് വിദ്യാര്‍ത്ഥികളെ എത്തിക്കുകയും തുടര്‍ന്ന് സാഹചര്യം അനുകൂലമാകുമ്പോള്‍ ഷിഫ്റ്റ് സമ്പ്രദായത്തില്‍ ക്ലാസുകള്‍ നടത്തുകയെന്നതാണ് നിലവിലെ നിര്‍ദ്ദേശം.
