കൊച്ചി: സ്വര്‍ണക്കടത്ത് കേസില്‍ കസ്റ്റംസ് രജിസ്റ്റര്‍ ചെയ്ത കേസില്‍ സ്വപ്ന സുരേഷിന് ജാമ്യം. ജാമ്യം ലഭിച്ചെങ്കിലും സ്വപ്നയ്ക്ക് പുറത്തിറങ്ങാന്‍ കഴിയില്ല. എന്‍ഐഎ ഉള്‍പ്പടെ റജിസ്റ്റര്‍ ചെയ്ത കേസുകളില്‍ സ്വപ്ന പ്രതിയായതിനാല്‍ ആണ് പുറത്തിറങ്ങാന്‍ കഴിയാത്തത്.
സ്വപ്നയ്ക്ക് സ്വാഭാവിക ജാമ്യം ആണ് ലഭിച്ചത്. അറുപത് ദിവസം പിന്നിട്ട സാഹചര്യത്തിലാണ് കോടതി ജാമ്യം അനുവദിച്ചത്. സാമ്പത്തിക കുറ്റകൃത്യങ്ങള്‍ പരിഗണിക്കുന്ന കൊച്ചിയിലെ പ്രത്യേകകോടതിയാണ് ജാമ്യം അനുവദിച്ചത്. സ്വപ്ന ബംഗളുരുവില്‍വച്ച്‌ ജൂലൈ 8-ന് ആണ് അറസ്റ്റിലാകുന്നത്. കേസില്‍ പ്രതിയായ 17 പേരില്‍ പത്ത് പേര്‍ക്കാണ് ഇതുവരെ ജാമ്യം ലഭിച്ചത്.
