ഡല്‍ഹി: ഐക്യരാഷ്ട്ര സഭയുടെ ഇക്കണോമിക് ആന്‍ഡ് സോഷ്യല്‍ കൗണ്‍സിലിലെ കമ്മീഷന്‍ ഓഫ് സ്റ്റാറ്റസ് ഓഫ് വുമണ്‍(സിഎസ്ഡബ്ല്യു) സമിതിയിലേക്കുളള തെരഞ്ഞെടുപ്പില്‍ ചൈനയെ പരാജയപ്പെടുത്തി ഇന്ത്യ അംഗമായി. യുഎന്നിലെ ഇന്ത്യന്‍ പ്രതിനിധി ടി. എസ് തൃമൂര്‍ത്തിയാണ് ഇക്കാര്യം അറിയിച്ചത്. ഇന്ത്യയും ചൈനയും അഫ്ഗാനിസ്ഥാനുമാണ് അംഗത്വത്തിനായി മത്സരിച്ചത്. 54 പേരുളള കൗണ്‍സിലില്‍ 38 വോട്ടുകള്‍ നേടി ഇന്ത്യയും 39 വോട്ടുകള്‍ നേടിയാണ് അഫ്ഗാനിസ്ഥാനും അംഗത്വം നേടിയത്. എന്നാല്‍ തെരഞ്ഞെടുപ്പില്‍ ചൈനയ്ക്ക് പകുതി വോട്ടുകള്‍ പോലും നേടാനായില്ല. 28 വോട്ടുകള്‍ നേടിയാല്‍ മാത്രമേ സിഎസ്ഡബ്ല്യുവില്‍ അംഗത്വം നേടാന്‍ സാധിക്കുകയുളളു. 2021 മുതല്‍ 2025 വരെയാണ് കമ്മീഷന്‍ ഓഫ് സ്റ്റാറ്റസ് ഓഫ് വുമണില്‍ ഇന്ത്യ അംഗമായിരിക്കുക.
ലിംഗസമത്വത്തിനും സ്ത്രീകളുടെ ഉന്നമനത്തിനുമായുളള ഇന്ത്യയുടെ പ്രവര്‍ത്തനങ്ങളുടെ അംഗീകാരമാണിതെന്നും ഇത് രാജ്യത്തിന്റെ അഭിമാനകരമായ നേട്ടമാണെന്നും തൃമൂര്‍ത്തി ട്വിറ്ററിലൂടെ അറിയിച്ചു.
India wins seat in prestigious #ECOSOC body!
India elected Member of Commission on Status of Women #CSW. It’s a ringing endorsement of our commitment to promote gender equality and women’s empowerment in all our endeavours.
We thank member states for their support. @MEAIndia pic.twitter.com/C7cKrMxzOV
— Amb T S Tirumurti (@ambtstirumurti) September 14, 2020
ലിംഗസമത്വത്തിനും സ്ത്രീ ശാക്തീകരണത്തിനും വേണ്ടി പ്രവര്‍ത്തിക്കുന്ന ഇക്കണോമിക് ആന്‍ഡ് സോഷ്യല്‍ കൗണ്‍സിലിലെ സമിതിയാണ് കമ്മീഷന്‍ ഓഫ് സ്റ്റാറ്റസ് ഓഫ് വുമണ്‍. ബെയ്ജിങ്ങ് വേള്‍ഡ് കോണ്‍ഫറന്‍സ് ഓഫ് വുമണിന്റെ 25ാം വാര്‍ഷികത്തില്‍ ഇന്ത്യയ്ക്ക് ഈ വിജയം നേടാനായത് വളരെ പ്രാധാന്യമര്‍ഹിക്കുന്നതാണ്.
