ലക്‌നൗ: അയോധ്യ രാമക്ഷേത്ര നിര്‍മ്മാണത്തിന് പിന്തുണയുമായി കോണ്‍ഗ്രസ്സ് നേതാവ് പ്രിയങ്കാ ഗാന്ധി. ശ്രീരാമനുളള ഭൂമി പൂജ ദേശിയ ഐക്യത്തിനുളള അവസരമാകട്ടെയെന്ന് പ്രിയങ്കാ ഗാന്ധി ട്വിറ്ററില്‍ കുറിച്ചു. ധൈര്യം, ത്യാഗം, ലാളിത്യം, പ്രതിബദ്ധത എന്നിവയാണ് രാമനെന്നും രാമന്‍ എല്ലാവര്‍ക്കും ഒപ്പമുണ്ടെന്നും പ്രിയങ്ക പറഞ്ഞു.
सरलता, साहस, संयम, त्याग, वचनवद्धता, दीनबंधु राम नाम का सार है। राम सबमें हैं, राम सबके साथ हैं।
भगवान राम और माता सीता के संदेश और उनकी कृपा के साथ रामलला के मंदिर के भूमिपूजन का कार्यक्रम राष्ट्रीय एकता, बंधुत्व और सांस्कृतिक समागम का अवसर बने।
मेरा वक्तव्य pic.twitter.com/ZDT1U6gBnb
— Priyanka Gandhi Vadra (@priyankagandhi) August 4, 2020
നാളെ അയോധ്യയിലെ ഭൂമി പൂജ ചടങ്ങ് നടക്കാനിരിക്കെയാണ് പ്രിയങ്കാ ഗാന്ധി പിന്തുണയര്‍പ്പിച്ചിരിക്കുന്നത്. അതേസമയം പ്രിയങ്ക ഗാന്ധിയുടെ നിലപാട് കേരളത്തില്‍ കോണ്‍ഗ്രസിനേയും വെട്ടിലാക്കിയിരിക്കുകയാണ്.
രാമക്ഷേത്ര നിര്‍മ്മാണത്തിലെ പ്രിയങ്കയുടെ അനുകൂല നിലപാടില്‍ മുസ്ലീം ലീഗ് അതൃപിതി അറിയിച്ചിട്ടുണ്ട്. ക്ഷേത്ര നിര്‍മ്മാണത്തെ സ്വാഗതം ചെയ്തുകൊണ്ടുളള പ്രിയങ്കയുടെ നിലപാടില്‍ തങ്ങള്‍ക്ക് യോജിപ്പില്ലെന്നും ഇതുമായി സംബന്ധിച്ച് തീരുമാനമെടുക്കുന്നതില്‍ നാളെ ദേശീയ ഭാരവാഹികള്‍ യോഗം ചേരുമെന്നും ലീഗ് അറിയിച്ചു. ലീഗ് തങ്ങളുടെ നിലപാട് കെപിസിസി നേതൃത്വത്തെ അറിയിച്ചെന്നാണ് സൂചന. കൂടാതെ ലീഗിനൊപ്പമുള്ള വിഭാഗങ്ങള്‍ കോണ്‍ഗ്രസ് നേതൃത്വത്തിനെതിരെ രംഗത്തു വന്നു കഴിഞ്ഞു. അതിനാല്‍ തന്നെ ഈ വിഷയത്തില്‍ എന്തു നിലപാട് എടുക്കണമെന്നറിയാതെ കുഴങ്ങുകയാണ് കെപിസിസിയും സംസ്ഥാന നേതാക്കളും
ഇതാദ്യമായല്ല കോണ്‍ഗ്രസ്സ് നേതാക്കള്‍ ക്ഷേത്ര നിര്‍മ്മാണത്തില്‍ ബിജെപിയ്ക്ക് പിന്തുണയര്‍പ്പിക്കുന്നത്. നേരത്തെ കോണ്‍ഗ്രസ്സ് നേതാക്കള്‍ രാമക്ഷേത്ര നിര്‍മ്മാണത്തിന് പിന്തുണ അര്‍പ്പിച്ചിരുന്നു. ക്ഷേത്രനിര്‍മ്മാണത്തെ അനുകൂലിക്കുന്നതില്‍ കോണ്‍ഗ്രസ്സ് നേതാകള്‍ക്കിടയില്‍ തന്നെ അസ്വാരസ്യങ്ങള്‍ നിലനിന്നിരുന്നു. ഇതിനിടയിലാണ് എഐസിസി ജനറല്‍ സെക്രട്ടറിയുടെ അനുകൂല നിലപാടിലെ ട്വീറ്റ്. മധ്യപ്രദേശ് മുന്‍ മുഖ്യമന്ത്രി കമല്‍നാഥ്, കോണ്‍ഗ്രസ്സ് നേതാവ് മനീഷ് തിവാരി, കെ മുരളീധരന്‍ എംപി എന്നിവര്‍ ക്ഷേത്ര നിര്‍മ്മാണത്തെ അനുകൂലിച്ചിരുന്നു. ഭൂമിപൂജ ചടങ്ങിലേക്ക് നേക്കാളെ ക്ഷണിക്കാത്തതിലും അതൃപ്തി അറിയിച്ചിരുന്നു.
