ബെംഗളൂരു: കര്‍ണാടക മുന്‍ മുഖ്യമന്ത്രിയും പ്രതിപക്ഷ നേതാവുമായ സിദ്ധരാമയ്യയ്ക്ക് കോവിഡ്. ട്വിറ്ററിലൂടെ അദ്ദേഹം തന്നെയാണ് ഇക്കാര്യം അറിയിച്ചത്. മുഖ്യമന്ത്രിയ്ക്ക് കോവിഡ് സ്ഥീരീകരിച്ചതിന് പിന്നാലെയാണ് പ്രതിപക്ഷ നേതാവിനും രോഗം സ്ഥിരീകരിച്ചത്. രോഗലക്ഷണം കണ്ടെതിനെ തുടര്‍ന്ന് തിങ്കളാഴ്ച നടത്തിയ ആന്റിജന്‍ പരിശോധനയിലാണ് കോവിഡ് പോസിറ്റീവായത്.
താനുമായി സമ്പര്‍ക്കത്തിലേര്‍പ്പെട്ടവര്‍ കോവിഡ് പരിശോധന നടത്തണമെന്നും ക്വാറന്റൈനില്‍ പ്രവേശിക്കണമെന്നും അദ്ദേഹം ട്വീറ്റ് ചെയ്തു. ഡോക്ടറുടെ നിര്‍ദേശപ്രകാരം താന്‍ മണിപ്പാല്‍ അശുപത്രിയില്‍ ചികിത്സയിലാണെന്നും അദ്ദേഹം പറഞ്ഞു.
I have been tested positive for #Covid19 & also been admitted to the hospital on the advice of doctors as a precaution.
I request all those who had come in contact with me to check out for symptoms & to quarantine themselves.
— Siddaramaiah (@siddaramaiah) August 4, 2020
ഞായറാഴ്ച മുഖ്യമന്ത്രി ബി എസ് യെദ്യൂരപ്പയ്ക്കും കോവിഡ് സ്ഥിരീകരിച്ചിരുന്നു. മുഖ്യന്ത്രിയുടെ ഓഫീസിലെ ആറു ജീവനക്കാര്‍ക്കും രോഗം ബാധിച്ചിരുന്നു. മുഖ്യമന്ത്രിയും മണിപ്പാല്‍ ആശുപത്രിയില്‍ ചികിത്സയിലാണുളളത്. അദ്ദേഹത്തിന്റെ മകള്‍ക്കും കോവിഡ് സ്ഥിരീകരിച്ചിരുന്നു.
