സ്വര്‍ണക്കടത്ത് കേസില്‍ പ്രതി ഫൈസല്‍ ഫരീദിനായി കസ്റ്റംസ് ലുക്ക് ഔട്ട് നോട്ടീസ് പുറപ്പെടുവിച്ചു. വിദേശത്തുള്ള ഫൈസലിനെ ഇന്റര്‍ പോളിന്റെ സഹായത്തോടെ പിടികൂടാനാണ് നീക്കം. കേസിലെ ഗൂഡാലോചന തെളിയിക്കാന്‍ സഹായിക്കുന്ന സി.സി.ടി.വി ദൃശ്യങ്ങള്‍ എന്‍.ഐ.എക്ക് ലഭിച്ചതായാണ് സൂചന. കെ.ടി റമീസിനെതിരെ കൂടുതല്‍ തെളിവുകള്‍ എന്‍.ഐ.എക്ക് ലഭിച്ചിട്ടുണ്ട്.
അതിനിടെ, മുന്‍ ഐടി സെക്രട്ടറി ശിവശങ്കറിന്റെ ഓഫീസിലെ ഉള്‍പ്പെടെയുള്ള സി.സി.ടി.വി ദൃശ്യങ്ങള്‍ എന്‍.ഐ.എ ഇന്ന് പൊതുഭരണ വകുപ്പില്‍ നിന്ന് വാങ്ങിയേക്കും. ദൃശ്യങ്ങള്‍ കൈമാറുമെന്ന് സര്‍ക്കാരും അറിയിച്ചിട്ടുണ്ട്.
