കൊച്ചി: ജൂൺ 30 ന് അവസാനിച്ച 2020 – 21 സാമ്പത്തിക വർഷം ആദ്യപാദത്തിൽ ഫെഡറൽ ബാങ്ക് 932.38 കോടി രൂപ ലാഭം നേടി. മുൻ സാമ്പത്തിക വർഷം ഒന്നാം പാദത്തെ അപേക്ഷിച്ച് 19.11 ശതമാനം വളർച്ചയാണിത്.
ആകെ വരുമാനം 3,932.52 കോടി രൂപയിലെത്തി. ജൂണിൽ അവസാനിച്ച െ്രെതമാസത്തിലെ അറ്റാദായം 400.77 കോടി രൂപയാണ്. പലിശ വരുമാനം എക്കാലത്തേയും ഉയർന്ന നിരക്കായ 1296.44 കോടി രൂപയിലെത്തി. സ്വർണ വായ്പ 36.19 ശതമാനം വർധിച്ച് 10,243 കോടി രൂപയിലുമെത്തി. സേവിംഗ്‌സ് ബാങ്ക് നിക്ഷേപങ്ങൾ 21 ശതമാനം വർധിച്ച് 42,059 കോടി രൂപയായി. 47.76 ശതമാനമെന്ന ചെലവ് വരുമാന അനുപാതം കഴിഞ്ഞ 25 പാദങ്ങളിലെ ഏറ്റവും മികച്ച നിരക്കാണ്.
പ്രയാസകരമായ പ്രവർത്തന സാഹചര്യത്തിലും ആരോഗ്യകരമായ പ്രകടനം കാഴ്ചവയ്ക്കാൻ സാധിച്ചതായി ഫെഡറൽ ബാങ്ക് മാനേജിംഗ് ഡയറക്ടറും സി.ഇ.ഒയുമായ ശ്യാം ശ്രീനിവാസൻ പറഞ്ഞു. വെല്ലുവിളികളെസ നേരിടുകയും നില ഭദ്രമാക്കുകയും ചെയ്തത് നേട്ടമാണ്. നിഷ്‌ക്രിയ ആസ്തി കഴിഞ്ഞ 20 പാദങ്ങളിലെ ഏറ്റവും കുറഞ്ഞ നിരക്കായ 1.22 ശതമാനമാണ്. ചെലവ് വരുമാന അനുപാതം മെച്ചപ്പെട്ടതും നേട്ടമാണെന്ന് ശ്യാം ശ്രീനിവാസൻ പറഞ്ഞു.
നടപ്പു സാമ്പത്തിക വർഷം ഒന്നാം പാദത്തിൽ ബാങ്കിന്റെ ആകെ ഇടപാടുകൾ മുൻ വർഷത്തെ ഇതേ കാലയളവിനെ അപേക്ഷിച്ച് 12.95 ശതമാനം വർധിച്ച് 276234.70 കോടി രൂപയിലെത്തി. നിക്ഷേപം 16.90 ശതമാനം വർധിച്ച് 154937.74, അറ്റ വായ്പകൾ 8.27 ശതമാനം വർധിച്ച് 1,21,296.96 കോടി രൂപയിലുമെത്തി. പ്രവാസി നിക്ഷേപം 18.62 ശതമാനം വർധിച്ച് 60273.83 കോടി രൂപയായി.
സ്വർണ വായ്പയുടെ വർധനക്കൊപ്പം റീട്ടെയ്ൽ വായ്പകൾ 15.58 ശതമാനം വർധിച്ചു. ബിസിനസ് ബാങ്കിംഗ് വായ്പകൾ 14.08 ശതമാനം വർധിച്ച് 10,512.29 കോടി രൂപയിലും കാർഷിക വായ്പകൾ 14.04 വർധിച്ച് 13,644.70 കോടി രൂപയിലുമെത്തി. മുൻ വർഷത്തെ ഇതേ കാലയളവിനെ അപേക്ഷിച്ച് അറ്റ പലിശ വരുമാനം 12.33 ശതമാനം വർധിച്ച് 1,296.44 കോടി രൂപയായി. ജൂൺ 30 വരെയുള്ള കണക്കുകൾ പ്രകാരം ബാങ്കിന്റെ അറ്റ മൊത്ത വരുമാനം 15.47 ശതമാനം വർധിച്ച് 1,784.81 കോടി രൂപയിലെത്തി.
