കൊച്ചി: തൃക്കാക്കര കരുണാലയത്തിലെ മൂന്ന് കന്യാസ്ത്രീകള്‍ക്ക് കോവിഡ്.നേരത്തെ വൈപ്പിനില്‍ മരിച്ച സിസ്റ്റര്‍ ക്ലെയറുമായി സമ്പര്‍ക്കത്തില്‍ വന്നവരാണിവര്‍. ഇതോടെ കരുണാലയം ക്ലോസ്ഡ് ക്ലസ്റ്ററാക്കി. വൃദ്ധരടക്കം 140 അന്തേവാസികള്‍ കരുണാലയത്തില്‍ താമസിക്കുന്നുണ്ട്. നേരത്തെ ആലുവ ചുണങ്ങംവേലി സെന്റ് മേരീസ് പ്രൊവിന്‍സിലെ 20 കന്യാസ്ത്രീകള്‍ക്ക് കോവിഡ് സ്ഥിരീകരിച്ചിരുന്നു. ഇവരും സിസ്റ്റര്‍ ക്ലെയറിന്റെ സമ്പര്‍ക്ക പട്ടികയിലുള്ളവരാണ്.
വൈപ്പിന്‍ കുഴുപ്പള്ളി എസ് ഡി കോണ്‍വെന്റിലാണ് സിസ്റ്റര്‍ ക്ലെയര്‍ സേവനമനുഷ്ഠിച്ചത്. പനിയെ തുടര്‍ന്ന് പഴങ്ങനാട്ടെ സ്വകാര്യ ആശുപത്രിയില്‍ ഇവരെ പ്രവേശിപ്പിച്ചു. തുടര്‍ന്ന് ആരോഗ്യനില വഷളാവുകയും മരിക്കുകയുമായിരുന്നു. മരണശേഷമാണ് കോവിഡ് പരിശോധനാ ഫലം ലഭിച്ചത്. തുടര്‍ന്ന്, ഇവരെ ചികിത്സിച്ച ഡോക്ടറും നേഴ്സുമുള്‍പ്പെടെയുള്ളവര്‍ ക്വാറന്റൈനില്‍ പ്രവേശിക്കുകയായിരുന്നു.
