കുവൈത്ത് സിറ്റി : ഗള്ഫ് പൗരന്മാര്ക്ക് കുവൈത്തില് വര്ക്ക് പെര്മിറ്റുകള് അനുവദിക്കുന്നതിന് പത്ത് കുവൈത്തി ദീനാര് വീതം ഫീസ് ഈടാക്കാന് തീരുമാനിച്ചു. ഇതടക്കം ഏഴു സേവനങ്ങള്ക്ക് പുതുതായി ഫീസ് ഈടാക്കാന് കുവൈത്ത് പബ്ലിക് അതോറിറ്റി ഓഫ് മാന്പവര് തീരുമാനിച്ചിട്ടുണ്ട്.
വാണിജ്യ, വ്യവസായ, സാമ്പത്തിക വികസന മന്ത്രി ഫൈസല് അല്മുദ്ലജ് ആണ് ഇതുമായി ബന്ധപ്പെട്ട ഉത്തരവ് പുറപ്പെടുവിച്ചത്. സ്വകാര്യ മേഖലയില് ജോലി ചെയ്യുന്ന വിദേശികള്ക്ക് വര്ക്ക് പെര്മിറ്റ് അനുവദിക്കുന്നതിനും ട്രാന്സ്ഫര് ചെയ്യുന്നതിനും പുതുക്കുന്നതിനും 50 കുവൈത്തി ദീനാര് വീതം പബ്ലിക് അതോറിറ്റി ഓഫ് മാന്പവര് നേരത്തെ മുതല് ഫീസ് ഈടാക്കുന്നുണ്ട്.