ചെന്നൈ: തമിഴ്‌നാട് സാത്താന്‍കുളം കസ്റ്റഡി കൊലപാതകത്തില്‍ പോലീസിനെതിരെ സിബിഐയുടെ അന്വേഷണ റിപ്പോര്‍ട്ട്. സാക്ഷികളുടെ മൊഴി പോലീസ് തെറ്റായി വ്യാഖ്യാനിച്ചെന്നും ഇരുവരും പോലീസിനെ മര്‍ദിച്ചെന്ന വാദം തെറ്റാണെന്നും സിബിഐയുടെ റിപ്പോര്‍ട്ടില്‍ പറയുന്നു.
വ്യാപാരികളായ ബെനിക്‌സിനും ജയരാജിനുമെതിരെ പോലീസ് വ്യാജകേസ് രജിസ്റ്റര്‍ ചെയ്യുകയായിരുന്നു എന്നും മദ്രാസ് ഹൈക്കോടതിയില്‍ സിബിഐ സമര്‍പ്പിച്ച റിപ്പോര്‍ട്ടില്‍ പറയുന്നു. ഇന്‍സ്‌പെക്ടര്‍ ശ്രീധര്‍ ഉള്‍പ്പടെയുള്ളവര്‍ക്ക് ജാമ്യം അനുവദിക്കരുതെന്നും സിബിഐ ഹൈക്കോടതിയില്‍ ആവശ്യപ്പെട്ടു.
ലോക്ഡൗണ്‍ സമയത്ത് ബെനിക്‌സും ജയരാജനും കട അടയ്ക്കാന്‍ വൈകിയെന്നും, ഇത് ചോദ്യം ചെയ്ത പോലീസിനെ മര്‍ദ്ദിച്ചു എന്നുമായിരുന്നു എഫ്‌ഐആര്‍. പൊലീസ് കസ്റ്റഡിയിലിരിക്കെ ഉണ്ടായ മര്‍ദ്ദനത്തെ തുടര്‍ന്നാണ് ഇരുവരും മരിച്ചത്.
