സന്യാസിസഭയില് നിന്നും പുറത്താക്കിയ നടപടി നിര്ത്തിവയ്ക്കണമെന്നും തന്റെ ഭാഗം കേള്ക്കണ മെന്നും ആവശ്യപ്പെട്ടാണ് സിസ്റ്റര് അപ്പീല് നല്കിയത്
റോം: എഫ്സിസി സന്യാസി സഭയില് നിന്ന് പുറത്താക്കിയതിനെതിരെ സിസ്റ്റര് ലൂസി കളപ്പുരയ്ക്കല് നല്കിയ രണ്ടാമത്തെ അപേക്ഷയും വത്തിക്കാന് സഭാ കോടതി തള്ളി. ലൂസിക്കെതിരായ സഭാ നട പടി ശരിവെച്ച വത്തിക്കാന് കോടതി, എഫ് സി സി സന്ന്യാസ സഭയുടെ നിയമങ്ങള് പാലിക്കാത്ത ജീവതമാണ് ലൂസി പുലര്ത്തിയതെന്ന വാദം അംഗീകരിക്കുകയായിരുന്നു.
മുന്നറിയിപ്പുകള് നല്കിയിട്ടും എഫ്സിസി സന്ന്യാസ സഭയുടെ നിയമങ്ങള് പാലിക്കാത്ത വിധമു ള്ള ജീവിത ശൈലി തുടരുന്നുവെന്നാരോപിച്ചാണ് ലൂസിയെ പുറത്താക്കിയിരുന്നത്. 2019 ലായിരു ന്നു നടപടി. സന്യാസി സഭയില് നിന്നും പുറത്താക്കിയ നടപടി നിര്ത്തിവയ്ക്കണമെന്നും തന്റെ ഭാഗം കേള്ക്കണമെന്നും ആവശ്യപ്പെട്ടാണ് അപ്പീല് നല്കിയയതെന്നും ഇത് നിരാകരിച്ചുകൊണ്ടുള്ള മറുപടി ലഭിച്ചെന്നും സിസ്റ്റര് ലൂസി സ്ഥിരീകരിച്ചു.
വയനാട് ദ്വാരക സേക്രട്ട് ഹാര്ട്ട് സ്കൂള് അധ്യാപികയായ സിസ്റ്റര് ലൂസി കളപ്പുരയ്ക്കലിന് വിവിധ വിഷയങ്ങള് ചൂണ്ടിക്കാട്ടി നേരത്തെ കാരണം കാണിക്കല് നോട്ടീസ് നല്കിയിരുന്നു. അനുവാദ മില്ലാതെ ടി.വി. ചാനലുകളില് അഭിമുഖം നല്കിയതിനും, ബിഷപ് ഫ്രാങ്കോ മുളയ്ക്കലിനെതിരായ സമരത്തില് പങ്കെടുത്തതിനും സഭ മുന്നറിയിപ്പ് നല്കുകയും ചെയ്തു. ഇതെല്ലാം അവഗണിച്ചതി ന്റെ പേരിലാണ് സഭയില് നിന്ന് പുറത്താക്കിയതെന്നാണ് സഭയുടെ വിശദീകരണം.
ബിഷപ്പ് ഫ്രാങ്കോ മുളയ്ക്കലിനെതിരായ സമരത്തില് പങ്കെടുത്തതിനു പിന്നാലെയാണ് സന്യാസി സ ഭയും സിസ്റ്റര് ലൂസിയും തമ്മിലുള്ള പ്രശ്നങ്ങള് തുടങ്ങിയത്. ഇതിനു പിന്നാലെയാണ് സിസ്റ്ററെ സഭയില് നിന്ന് പുറത്താക്കിയത്.
അതേസമയം, സിസ്റ്ററെ മഠത്തില് നിന്ന് പുറത്താക്കരുതെന്ന് ആവശ്യപ്പെട്ട് മാനന്തവാടി മുന്സിഫ് കോടതിയില് നല്കിയ കേസ് നിലനില് ക്കുന്നുണ്ട്.
