മലയാളിയായ കെകെ (കൃഷ്ണകുമാര്‍ കുന്നത്ത്) നിരവധി ബോളിവുഡ് ഹിറ്റുഗാനങ്ങള്‍ ആലപിച്ചിട്ടുണ്ട്.
കൊല്‍ക്കത്ത : മലയാളിയായ ബോളിവുഡ് ഗായകന്‍ കെകെ എന്നറിയപ്പെടുന്ന കൃഷ്ണകുമാര്‍ കുന്നത്ത് അന്തരിച്ചു. 53 വയസ്സായിരുന്നു.
കൊല്‍ക്കൊത്തയില്‍ സ്റ്റേജ് പരിപാടിക്കിടെ നെഞ്ചു വേദന അനുഭവപ്പെട്ടതിനെ തുടര്‍ന്ന് ഹോട്ടലിലേക്ക് മടങ്ങുകയും താമസിയാതെ മരിക്കുകയുമായിരുന്നു.
ചൊവ്വാഴ്ച രാത്രി 10 മണിയോടെയാണ് മരണം. സംഗീത പരിപാടിയില്‍ ഒരു മണിക്കൂറോളം പങ്കെടുത്തിരുന്നു.
തന്റെ ഹിറ്റ് ഗാനമായ ആഖോം മേ തേരി എന്ന ഗാനം ആലപിക്കുകയും ശ്രോതാക്കളായവരെ കൊണ്ട് ആ ഗാനം ഏറ്റുപാടിപ്പിക്കുകയും ചെയ്ത ഉടനെ സ്റ്റേജില്‍ നിന്നും മടങ്ങുകയാണ് ഉണ്ടായത്.
ശാരിരിക അസ്വാസ്ഥ്യം അനുഭവപ്പെടുന്നു എന്നു പറഞ്ഞ കെകെ അദ്ദേഹം താമസിച്ചിരുന്ന ഗ്രാന്‍ഡ് ഹോട്ടലിലേക്ക് മടങ്ങി. നില വഷളയാതോടെ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല.
ബോളിവുഡിലെ പുതുതലമുറ ഗായകരില്‍ മികച്ച പ്രതിഭയായിരുന്നു കെകെ. അദ്ദേഹത്തിന്റെ ആകസ്മിക ദേഹവിയോഗത്തില്‍ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി.
Saddened by the untimely demise of noted singer Krishnakumar Kunnath popularly known as KK. His songs reflected a wide range of emotions as struck a chord with people of all age groups. We will always remember him through his songs. Condolences to his family and fans. Om Shanti.
— Narendra Modi (@narendramodi) May 31, 2022
മലയാളിയും ഡെല്‍ഹിയില്‍ പ്രവാസിയുമായിരുന്ന തൃശൂര്‍ തിരുവമ്പാടി സ്വദേശി സിഎസ് മേനോന്റേയും പൂങ്കുന്നം സ്വദേശിനി കനകവല്ലിയുടേയും മകനായി 1968 ലാണ് കെകെ ജനിച്ചത്. ഡെല്‍ഹിയിലായിരുന്നു വളര്‍ന്നതും പഠിച്ചതും.
This is unbelievable… #KK die while performing at Kolkata. #RIPKK pic.twitter.com/o7QvRHgURY
— Tommy (@Sadhubaba_) May 31, 2022
മുവ്വായിരത്തോളം പരസ്യ ചിത്രങ്ങള്‍ക്കായി പാടിയിട്ടുണ്ട്. മലയാളം, കന്നഡ, തമിഴ്, മറാഠി, ബംഗാളി, ഗുജറാത്തി, ആസാമീസ് തെലുങ്ക് എന്നീ ഭാഷകളില്‍ പാടിയിട്ടുണ്ട്.
Singer #KK passes away after suffering a massive heart attack.
RIP 💔#KrishnakumarKunnath pic.twitter.com/BmagYvA926— Farz Khan | Najmul | فرز خان 🇮🇳 (@discoverykhan78) May 31, 2022
ബോളിവുഡ് ചിത്രമായ ഹം ദില്‍ ദേ ചുകെ സനം എന്ന ചിത്രത്തിലെ തടപ് തടപ് എന്ന ഗാനം വന്‍ ഹിറ്റായിരുന്നു. ഗില്ലിയിലെ അപ്പടി പോട് എന്ന ഗാനം തമിഴിലെ സൂപ്പര്‍ ഹിറ്റായിരുന്നു.
മലയാള ചിത്രമായ പുതിയ മുഖത്തില്‍ രഹസ്യമായി എന്ന ഗാനവും ആലപിച്ചിട്ടുണ്ട്.
ജ്യോതിയാണ് ഭാര്യ നകുല്‍ കൃഷ്ണ,തമന്ന കൃഷ്ണ എന്നിവര്‍ മക്കളാണ്.
