പാലക്കാട് : മെട്രോമാന് ഇ.ശ്രീധരനെ രൂക്ഷമായി വിമര്ശിച്ച് സിപിഎം ആക്ടിംങ് സെക്രട്ടറി എ.വിജയരാഘവന്. ബിജെപിയില് ചേര്ന്ന അദ്ദേഹ ത്തിന്റെ വാക്കുകള്ക്ക് ഒരു ബിജെപിക്കാരന്റെ മൂല്ല്യമേയുള്ളുവെന്നും സംഘപരിവാര് രാഷ്ട്രീയക്കാരനായി മാറിയെന്നും വിജയരാഘവന് വിമര്ശിച്ചു. പാലക്കാട് നഗരത്തെ രണ്ടു വര്ഷത്തിനുള്ളില് കേരളത്തിലെ ഏറ്റവും മികച്ച നഗരമാക്കുമെന്ന് ശ്രീധരന് പറഞ്ഞതാണ് വിജയരാഘവനെ ചൊടിപ്പിച്ചത്.
വികസനം പാവപ്പെട്ടവര്ക്ക് വേണ്ടിയായതു കൊണ്ട് ശ്രീധരന്റെ ശ്രദ്ധയില്പ്പെട്ടു കാണില്ലെന്നും ശ്രീധരന് രാഷ്ട്രീയക്കാരനായി മാറി എന്നുമാത്രമല്ല, സംഘപരിവാര് രാഷ്ട്രീയക്കാരനായി മാറിയെന്നും അദ്ദേഹം പറഞ്ഞു. കേരളത്തിലെ രണ്ടര ലക്ഷം ആളുകള്ക്ക് മികച്ച വീടുണ്ടാക്കി കൊടു ത്തത് ഇടതുപക്ഷ ജനാധിപത്യ മുന്നണി ആണ്. ആ വീടുകളൊക്കെ പാവപ്പെട്ടവന്റെ വീടുകളായതുകൊണ്ട് ശ്രീധരന്റെ ശ്രദ്ധയില് പെട്ടുകാണില്ലെന്ന് വിജയരാഘവന് മാധ്യമങ്ങളോട് പറഞ്ഞു.
അഞ്ചു വര്ഷത്തിനുള്ളില് ഇന്ത്യയിലെ ഏറ്റവും മികച്ച നഗരമാക്കി പാലക്കാടിനെ മാറ്റുമെന്നും ഇ ശ്രീധരന് മാധ്യമങ്ങളോട് വ്യക്തമാക്കിയിരുന്നു.പാലക്കാട് മണ്ഡലത്തില് വിജയിക്കുമെന്ന് ഉറച്ച വിശ്വാസമുണ്ടെന്നും പ്രായക്കൂടുതല് പ്രശ്നമല്ലെന്നും കൂടുതല് പ്രായമെന്നാല് കൂടുതല് അനുഭവസമ്പത്താണെന്നും ശ്രീധരന് വ്യക്തമാക്കി.
