ഈര്‍പ്പവും പൊടിയും ചേര്‍ന്ന് അന്തരീക്ഷത്തില്‍ സ്‌മോഗ് പടരുന്നു. വാഹനം ഓടിക്കുന്നവര്‍ക്ക് ദൂരക്കാഴ്ച കുറയും
അബുദാബി : വേനല്‍ക്കാലത്തിന്റെ ആരംഭം രാജ്യത്ത് പ്രകടമായി. രാവിലെ വാഹനം ഓടിക്കുന്നവരുടെ ദൂരക്കാഴ്ച കുറയുന്ന രീതിയില്‍ പൊടിപടലവും ഈര്‍പ്പവും കലര്‍ന്ന് സ്‌മോഗ് രൂപപ്പെട്ടുന്നത് പതിവായി.
അബുദാബി, ദുബായ്, ഷാര്‍ജ, അജമാന്‍ എന്നിവടങ്ങളില്‍ സ്‌മോഗ് അലര്‍ട്ട് പ്രഖ്യാപിച്ചിട്ടുണ്ട്. റെഡ്, യെലോ അലര്‍ട്ടുകളാണ് കാലാവസ്ഥ നിരീക്ഷണ കേന്ദ്രം പുറപ്പെടുവിച്ചിട്ടുള്ളത്.
അന്തരീക്ഷ താപനില നാല്‍പതു ഡിഗ്രിയിലെത്തുമെന്നും കാലാവസ്ഥ നിരീക്ഷണ കേന്ദ്രം അറിയിച്ചു. വരും ദിവസങ്ങളിലും അന്തരീക്ഷ ഈര്‍പ്പവും താപനിലയും വര്‍ദ്ധിക്കും.
View this post on Instagram
കടലോര മേഖലകളില്‍ താപനില പകല്‍ സമയം വര്‍ദ്ധിക്കും. നാല്‍പതു ഡിഗ്രിയിലുമേറെയാകും ഇവിടെ ചൂട് അനുഭവപ്പെടുക. അതേസമയം, അല്‍ ഐന്‍, റാസല്‍ ഖൈമ തുടങ്ങിയ മലയോര മേഖലകളില്‍ 27 നും 32 നും ഇടയിലാകും താപനില.
രാത്രികാലങ്ങളിലാകും അന്തരീക്ഷ ഈര്‍പ്പം വര്‍ദ്ധിക്കുക. എണ്‍പതു ശതമാനത്തോളം ഈര്‍പ്പമാകും തീരമേഖലകളില്‍ അനുഭവപ്പെടുക.
യുഎഇയിലും ഇതര ഗള്‍ഫ് രാജ്യങ്ങളിലും വേനല്‍ക്കാലത്തിന്റെ ആരംഭമാണ് ഏപ്രില്‍ അവസാന വാരത്തോടെ അനുഭവപ്പെടുക. മെയ്. ജൂണ്‍, ജൂലൈ, ഓഗസ്ത് വരെയാണ് വേനല്‍ക്കാലം. സെപ്തംബര്‍ പാതി മുതല്‍ ചൂടുകുറയുകയും.
