തനിക്കെതിരെ നടന്നത് ആസൂത്രിതമായ വേട്ടയാടലെന്ന് വീട്ടില് വിജിലന്സ് നടത്തിയ റെയ്ഡിനെതിരെ കെ.എം.ഷാജിയുടെ രൂക്ഷമായ പ്രതികരണം. വിജിലന്സിനെ ഉപയോഗിച്ച് മുഖ്യമന്ത്രി പകപോക്കുകയാണ്. അഴീക്കോട് ഞാന് ജയിക്കും, അതു കൊണ്ടാണ് ഇത്തരം റെയ്ഡുകള് -ഷാജി മാധ്യമങ്ങളോട് പറഞ്ഞു
കോഴിക്കോട് : കെ.എം. ഷാജി എംഎല്എയുടെ വീട്ടില് വിജിലന്സ് നടത്തിയ പരിശോധന രാത്രി 11.30 ഓടെ പൂര്ത്തിയായി. തനിക്കെതിരെ നടന്നത് ആസൂത്രിതമായ വേട്ടയാടലെന്ന് കെ.എം. ഷാജി മാധ്യമങ്ങളോട് പറഞ്ഞു. വിജിലന്സിനെ ഉപയോഗിച്ച് മുഖ്യമന്ത്രി പകപോക്കുകയാണ്. അഴീക്കോട് ഞാന് ജയിക്കും, അതു കൊണ്ടാണ് ഇത്തരം റെയ്ഡുകള്. എല്ലാ രേഖകളും ഉള്ളതിനാലാണ് പണം വീട്ടില് സൂക്ഷിച്ചത്. പിടിച്ചെടുത്ത പണത്തിന്റെ രേഖ ഏത് ഏജന്സിക്ക് മുന്നിലും ഹാജരാക്കാം. തന്നെ കുടുക്കാനുള്ള നീക്കത്തിന് മുന്നില് മുട്ടുമടക്കില്ലെന്നും കെ.എം.ഷാജി പറഞ്ഞു. മുഖ്യമന്ത്രിയുടെ നിര്ദേശ പ്രകാരമാണ് റെയ്ഡ് നടന്നത്. വിജിലന്സ് റെയ്ഡ് പ്രതീക്ഷിച്ച നാടകമാണെന്നും തന്നെ പൂട്ടാന് പിണറായിക്ക് കഴിയില്ലെന്നും കെ.എം. ഷാജി പറഞ്ഞു.
കെ.എം. ഷാജിയുടെ വീട്ടില് വിജിലന്സ് നടത്തിയ പരിശോധനയില് 50 ലക്ഷം രൂപ കണ്ടെത്തിയിരുന്നു. ഇന്ന് പുലര്ച്ചെ ഏഴ് മണിക്കാണ് കെ.എം. ഷാജിയുടെ വീടുകളില് പരിശോധന ആരംഭിച്ചത്. കോഴിക്കോട്ടെ വെള്ളിമാടുകുന്നിലെ വീട്ടിലും കണ്ണൂര് അഴീക്കോട്ടെ വീട്ടിലും സമാന്തരമായാണ് പരിശോധന നടത്തിയത്. അനധികൃത സ്വത്ത് സമ്പാദന കേസിലായിരുന്നു പരിശോധന.
