സര്‍ക്കാരിന്റെ തീരുമാനങ്ങള്‍ പരിശോധിച്ച് തെറ്റുകളില്‍ നിന്ന് അവരെ തിരുത്തും. ഭരണപക്ഷത്തിനൊപ്പം നിന്ന് നന്നായി പ്രവര്‍ത്തിക്കുന്ന പ്രതിപക്ഷമാകുമെന്ന് നിയുക്ത പ്രതിപക്ഷനേതാവ് വിഡി സതീശന്‍
തിരുവനന്തപുരം: കോവിഡ് മഹാമാരിയില്‍ ജനങ്ങള്‍ ബുദ്ധിമുട്ടുമ്പോള്‍ രാഷ്ട്രീയ പാര്‍ട്ടികള്‍ തമ്മിലടിക്കുന്നത് ജനം പുച്ഛിച്ച് തള്ളുമെന്ന് നിയുക്ത പ്രതിപക്ഷനേതാവ് വിഡി സതീശന്‍. മഹാ മാരി മൂലം കടുത്ത പ്രതിസന്ധിയിലായ സാഹചര്യത്തില്‍ സര്‍ക്കാരിന് ഒപ്പം നില്‍ക്കുന്നതാണ് പ്രതിപക്ഷ ധര്‍മമെന്ന് വിഡി സതീശന്‍ വ്യക്തമാക്കി.
ഇക്കാര്യത്തില്‍ സര്‍ക്കാരിന് നിരുപാധിക പിന്തുണ നല്‍കും. സര്‍ക്കാരിന്റെ തീരുമാനങ്ങള്‍ പരി ശോധിച്ച് തെറ്റുകളില്‍ നിന്ന് അവരെ തിരുത്തും. ഭരണപക്ഷത്തിനൊപ്പം നിന്ന് നന്നായി പ്രവര്‍ത്തി ക്കുന്ന പ്രതിപക്ഷമാകുമെന്നും അദ്ദേഹം കൂട്ടിച്ചേര്‍ത്തു.
കെസി വേണുഗോപാലിനെ സന്ദര്‍ശിച്ച ശേഷം മാധ്യമങ്ങളോട് പ്രതികരിക്കുകയായിരുന്നു അദ്ദേ ഹം. രമേശ് ചെന്നിത്തല അഭിനന്ദനങ്ങള്‍ അറിയിച്ചിട്ടുണ്ടെന്നും എല്ലാം പിന്തുണയും വാഗ്ദാനം ചെയ്തിട്ടുണ്ടെന്നും അദ്ദേഹം പറഞ്ഞു. കോണ്‍ഗ്രസിലെ മുതിര്‍ന്ന നേതാക്കളെയും രണ്ടാം തലമുറ നേതാക്കളെയും ഏകോപിപ്പിച്ചു മുന്നോട്ടു പോകും. പാര്‍ട്ടിയെ ശക്തിപ്പെടുത്തുകയാണ് ലക്ഷ്യം. കോണ്‍ഗ്രസിലെ പുനഃസംഘടന – നടപടിക്രമം അഖിലേന്ത്യാ കമ്മിറ്റി ആരംഭിച്ചിട്ടുണ്ട്. കേരള ത്തിലെ തോല്‍വിയുടെ കാരണം അന്വേഷിച്ച് റിപ്പോര്‍ട്ട് അവര്‍ നല്‍കുമെന്നും വിഡി സതീശന്‍ വ്യക്തമാക്കി.
