പ്രതികളില് ഒരാളായ റിയാസ് അഖ്താരി, സ്വന്തം ബൈക്കിന് ‘2611’ എന്ന നമ്പര് കിട്ടാ ന് അധികമായി 5000 രൂപ കൊടുത്തതായി പൊലീസ് കണ്ടെത്തി. മുംബൈ ഭീകരാ ക്രമണത്തെ സൂചിപ്പിക്കുന്ന ’26/11′ ബൈക്ക് നമ്പറായി ലഭിക്കുകയായിരുന്നു ലക്ഷ്യം
ജയ്പുര് : ഉദയ്പുര് കൊലപാതക്കേസിലെ പ്രതികളില് ഒരാള് ബൈക്കിന് കരസ്ഥമാക്കിയത് മുംബൈ ഭീക രാക്രമണത്തെ സൂചിപ്പിക്കുന്ന ’26/11′ രജിസ്ട്രഷന് നമ്പര്. പ്രതികളില് ഒരാളായ റിയാസ് അഖ്താരി, സ്വ ന്തം ബൈക്കിന് ‘2611’ എന്ന നമ്പര് കിട്ടാന് അധികമായി 5000 രൂപ കൊടുത്തതായി പൊലീസ് കണ്ടെത്തി. മുംബൈ ഭീകരാക്രമണത്തെ സൂചിപ്പിക്കുന്ന ’26/11′ ബൈക്ക് നമ്പറായി ലഭിക്കുകയായിരുന്നു ലക്ഷ്യ മെ ന്നാണ് പൊലീസിന്റെ സംശയം.
മുംബൈ തീവ്രവാദ ആക്രമണം നടന്നത് 2008 നവംബര് 26നാണ്. അതിനാലാണ് ഈ നമ്പര് പ്രതികളി ലൊരാളായ റിയാസ് അഖ്താരി നിര്ബന്ധപൂര്വം സ്വന്തമാ ക്കിയതെന്നാണ് കരുതുന്നത്. ഈ ബൈക്കി ലാണ് ഗോസ് മുഹമ്മദും റിയാസ് അ ഖ്താരിയും കനയ്യലാലിനെ കൊലപ്പെടുത്തിയ ശേഷം രക്ഷപ്പെട്ടത്. RJ27AS2611 എന്ന രജിസ്ട്രഷനിലുള്ള ബൈക്ക് ഇപ്പോള് ഉദയ്പുരിലെ ധന്മണ്ഡി പൊലീസ് സ്റ്റേഷനിലാണ് സൂക്ഷി ച്ചിരിക്കുന്നത്.
കനയ്യലാലിന്റെ അരുംകൊല നടത്തിയവര്ക്ക് പാക് തീവ്രവാദ ഗ്രൂപ്പുകളുമായി ബന്ധമുണ്ടെന്ന് രാജ സ്ഥാന് പൊലീസ് സ്ഥിരീകരിച്ചിരുന്നു. 2014ല് റിയാസ് നേപ്പാള് സന്ദര്ശിച്ചിരുന്നതായി പാസ്പോര്ട്ട് രേഖകള് വ്യക്തമാക്കുന്നുണ്ട്. മൊബൈല് ഡാറ്റ പരിശോധിച്ചപ്പോള് പാക്കിസ്ഥാനിലേക്ക് കോളുകള് വിളിച്ചതായും കണ്ടെത്തി.
ഗോസിനെയും റിയാസിനെയും ഉദയ്പൂരില് നിന്ന് 45 കിലോമീറ്റര് അകലെ രാജ്സ്മന്ദ് ജില്ലയിലെ പൊലീസ് ബാരിക്കേഡില് വച്ചാണ് പിടികൂടിയത്. ആര്ടിഒ രേഖകള് പ്രകാരം റിയാസ് അഖ്താരി, 2013ല് എച്ച്ഡി എഫ്സി ബാങ്കില് നിന്ന് വായ്പ എടുത്താണ് ബൈ്ക്ക് വാങ്ങിയത്. 2014 മാര്ച്ചില് ബൈക്കിന്റെ ഇന്ഷുറ ന്സ് കാലാവധി അവസാനിച്ചെങ്കിലും പുതുക്കിയിരുന്നില്ല. റിയാസും ഗോസും ഇപ്പോള് 14 ദിവസത്തെ ജുഡീഷ്യല് കസ്റ്റഡിയിലാണ്.
ചാവേര് ആക്രമണങ്ങള് പദ്ധതിയിട്ടിരുന്ന ചില ഓണ്ലൈന് ഗ്രൂപ്പുകളില് പ്രതികള് അംഗങ്ങളായിരു ന്നുവെന്ന് കണ്ടെത്തലുണ്ട്. പ്രതി ഗോസ് മുഹമ്മദിന്റെ പാക് സന്ദര്ശ നം സംശയകരമെന്നാണ് പൊലീസ് പറയുന്നത്. കേസില് ഏഴ് പേര് കസ്റ്റഡിയിലുണ്ട്. കൊലപാതകത്തെ കുറിച്ച് പ്രത്യേക സംഘം നടത്തുന്ന അന്വേഷണത്തില് പ്രതിക ള്ക്ക് പാക് തീവ്രവാദ സംഘടനയുമായി ബന്ധമുള്ളതായി കണ്ടെത്തിയിരു ന്നു. ഇതില് കൂടുതല് തെളിവ് കണ്ടെത്താനാണ് രാജസ്ഥാന് പൊലീസും എന്ഐഎയും ശ്രമി ക്കുന്നത്.
