ബലാത്സംഗ കേസില് ബിഷപ്പ് ഫ്രാങ്കോ മുളയ്ക്കലിനെ വെറുതെ വിട്ട വിധിക്കെതിരെ കന്യാസ്ത്രീ ഹൈക്കോടതിയില് അപ്പീല് നല്കി. ബിഷപ്പിനെ കുറ്റവിമുക്തനാക്കി ക്കൊണ്ടുള്ള കോട്ടയം അഡീഷനല് ജില്ലാ സെഷന്സ് കോടതിയുടെ ഉത്തരവ് റദ്ദാക്കണമെന്ന് അപ്പീലില് പറയുന്നു. വിധിക്കെതിരെ പ്രോസിക്യൂഷനും അപ്പീല് നല്കും. ഇതിന് സര്ക്കാര് അനുമതി നല്കി
കൊച്ചി: ബലാത്സംഗ കേസില് ബിഷപ്പ് ഫ്രാങ്കോ മുളയ്ക്കലിനെ വെറുതെവിട്ട വിധിക്കെതിരെ കന്യാസ്ത്രീ ഹൈക്കോടതിയില് അപ്പീല് നല്കി. ബിഷപ്പിനെ കുറ്റവിമുക്ത നാക്കിയ കോട്ടയം അഡീഷനല് ജില്ലാ സെഷന്സ് കോടതി ഉത്തരവ് റദ്ദാക്കണമെന്നാണ് കന്യാസ്ത്രീയുടെ ആവശ്യം.
വിചാരണ കോടതിയുടെ വിധിക്കെതിരെ അപ്പീല് പോകാന് സര്ക്കാരും അനുമതി നല്കി. ഇതനുസ രിച്ച് വിധിക്കെതിരെ പ്രോസിക്യൂഷനും അപ്പീല് നല്കും. സംസ്ഥാന ആഭ്യന്തര വകുപ്പാണ് ഇതുസംബ ന്ധിച്ച ഉത്തരവിറക്കിയത്. എജിയുടെ നിയമോപദേശത്തിന്റെ അടിസ്ഥാനത്തിലാണ് അനുമതിയെന്ന് സര്ക്കാര് വ്യക്തമാക്കി.
ബിഷപ്പ് ഫ്രാങ്കോ മുളയ്ക്കലിനെ കുറ്റവിമുക്തനാക്കി കോട്ടയം ജില്ലാ അഡീഷനല് സെഷന്സ് കോടതി ജഡ്ജി ജി ഗോപകുമാറാണ് വിധി പറഞ്ഞത്.വെറുതേ വിടുന്നു എന്ന ഒറ്റവരിയില് വിധി പറയുകയായി രുന്നു. മിഷനറീസ് ഓഫ് ജീസസ് സന്യാസ സഭാംഗമായ കന്യാസ്ത്രീയെ 2014 മുതല് 2016 വരെ ബിഷപ് ഫ്രാങ്കോ പീഡിപ്പിച്ചു എന്നാണ് കേസ്.
കന്യാസ്ത്രീ നല്കിയ വിവിധ മൊഴികളില് പൊരുത്തക്കേടുകള് ഉണ്ടെന്ന് ചൂണ്ടിക്കാട്ടിയാണ് വിചാരണ ക്കോടതി ബിഷപ്പ് ഫ്രാങ്കോയെ വെറുതെവിട്ടത്. ബലപ്രയോഗം നടത്തിയെന്ന് ആദ്യ മൊഴിയില് ഇല്ല. പി ന്നീട് പരിശോധിച്ച ഡോക്ടറോടും ഇക്കാര്യം പറഞ്ഞിട്ടില്ല. ഉദ്യോഗസ്ഥരെ വിശ്വാസമില്ലാത്തതിനാലെന്ന വിശദീകരണം മുഖവിലയ്ക്ക് എടുക്കാനാകില്ലെന്നും കോടതി വിധിന്യായത്തില് ചൂണ്ടിക്കാട്ടി.
‘മരിക്കേണ്ട സാഹചര്യം വന്നാലും നീതിക്കായി പോരാട്ടം തുടരും’
വിധിയില് അപ്പീല് നല്കുമെന്ന് അന്വേഷണത്തിന് മേല്നോട്ടം വഹിച്ച അന്നത്തെ കോട്ടയം ജി ല്ലാ പൊലീസ് മേധാവിയും ഇപ്പോള് പൊലീസ് ആസ്ഥാനത്ത് എഐജി യുമായ എസ് ഹരിശങ്കര് പറഞ്ഞിരുന്നു. മരിക്കേണ്ട സാഹചര്യം വന്നാലും നീതിക്കായി പോരാട്ടം തുടരുമെന്നും അപ്പീല് നല്കുമെന്നും കന്യാസ്ത്രീയെ പിന്തുണയ്ക്കു ന്ന സിസ്റ്റര് അനുപമയും മറ്റു കന്യാസ്ത്രീകളും വ്യക്ത മാക്കിയിരുന്നു.
