സര്‍ക്കാര്‍ ആശുപത്രികളിലും സ്വകാര്യ ആശുപത്രികളിലും ഇതിനായി കൂടുതല്‍ വാക്സീനേഷന്‍ കേന്ദ്രങ്ങള്‍ ഒരുക്കാന്‍ ചീഫ് സെക്രട്ടറി വി പി ജോയിയുടെ നേതൃത്വത്തിലുള്ള ഉന്നതതലയോഗം തീരുമാനിച്ചു
തിരുവനന്തപുരം: ദിവസം 2.50 ലക്ഷം പേര്‍ക്ക് കൊവിഡ് വാക്സിനേഷന്‍ നല്‍കാന്‍ ലക്ഷ്യമിട്ട് സര്‍ക്കാര്‍. 45 ദിവസം കൊണ്ട് വാക്സീനേഷന്‍ നല്‍കാനാണ് ലക്ഷ്യമിടുന്നത്. സര്‍ക്കാര്‍ ആശുപ ത്രികളിലും സ്വകാര്യ ആശുപത്രികളിലും ഇതിനായി കൂടുതല്‍ വാക്സീനേഷന്‍ കേന്ദ്രങ്ങള്‍ ഒരു ക്കാന്‍ ചീഫ് സെക്രട്ടറി വി പി ജോയിയുടെ നേതൃത്വത്തിലുള്ള ഉന്നതതലയോഗം തീരുമാനിച്ചു.
45 വയസിന് മുകളില്‍ പ്രായമുള്ള എല്ലാവരും ലഭ്യമാകുന്ന ആദ്യ അവസരത്തില്‍ തന്നെ വാക്സീന്‍ സ്വീകരിച്ച് സുരക്ഷിതരാകണമെന്ന് സര്‍ക്കാര്‍ പത്രക്കുറിപ്പില്‍ അഭ്യര്‍ഥിച്ചു. ഏപ്രില്‍ ന്നെ് മുതല്‍ 45 വയസിന് മുകളില്‍ പ്രായമുള്ളവര്‍ക്ക് വാക്സീന്‍ നല്‍കും. കൂടുതല്‍ ആള്‍ക്കാര്‍ക്ക് വാക്സീന്‍നല്‍ കുന്ന തിന്റെ ഭാഗമായി വിപുലമായ സംവിധാനങ്ങളാണ് വാക്സിനേഷനായി ഒരുക്കുന്നത്. വാക്സീനേ ഷന്‍ കേന്ദ്രത്തിലെത്തി വാക്സീന്‍ സ്വീകരിക്കുവാന്‍ പൊതുജനങ്ങള്‍ തയ്യാറാകണമെന്ന് ആരോഗ്യ വകുപ്പ് അഭ്യര്‍ത്ഥിച്ചു.
കേന്ദ്ര ആരോഗ്യ മന്ത്രാലയത്തിന്റെ മാര്‍ഗനിര്‍ദേശ പ്രകാരം കോവിഷീല്‍ഡ് വാക്സീന്‍ ആദ്യ ഡോ സായി എടുത്തിട്ടുള്ളവര്‍ രണ്ടാം ഡോസ് ആദ്യ ഡോസ് എടുത്ത് കഴിഞ്ഞ് 42 ദിവസം മുതല്‍ 56 ദിവസത്തിനുള്ളില്‍ എടുക്കണം. കോവാക്സിന്‍ ആദ്യ ഡോസായി എടുത്തിട്ടുള്ളവര്‍, ആദ്യഡോസ് എടുത്ത് 28 ദിവസം കഴിഞ്ഞ് 42 ദിവസത്തിനുള്ളില്‍ രണ്ടാം ഡോസ് സ്വീകരിക്കണം.
