തിരുവനന്തപുരം: റബറിന്റെ തറവില ഉയര്ത്തി ധനമന്ത്രി തോമസ് ഐസക്കിന്റെ ബജറ്റ്. 170 രൂപയിലേക്കാണ് നിരക്ക് ഉയര്ത്തിയത്. നെല്ല്, നാളികേരം എന്നിവയുടെ സംഭരണ വിലയും ഉയര്ത്തി. നാളികേരത്തിന് 32 രൂപയും നെല്ലിന് 28 രൂപയുമാണ് ഇനി സംഭരണ വില. ഏപ്രില് ഒന്നു മുതല് പുതിയ നിരക്ക് നിലവില് വരുമെന്ന് ധനമന്ത്രി ബജറ്റില് പ്രഖ്യാപിച്ചു.
കേന്ദ്രം പാസാക്കിയ കര്ഷക നിയമങ്ങള് കോര്പറേറ്റുകളെ സഹായിക്കുന്നതാണ് എന്നും മന്ത്രി കുറ്റപ്പെടുത്തി. കേന്ദ്രത്തിന്റെ കര്ഷക നിയമം കുത്തകള്ക്ക് സഹായകരമാണ്. നിയമം തറവില സമ്പ്രദായം ഇല്ലാതാക്കും. കേന്ദ്രസര്ക്കാറിന്റെ ധാര്ഷ്ട്യം കൃഷിക്കാര്ക്കു മുമ്പില് അടിയറവു വയ്ക്കേണ്ടി വരുമെന്നും മന്ത്രി പറഞ്ഞു.
