തമിഴ്നാട്ടില് കോവിഡ് വ്യാപനം അതിരൂക്ഷമായി തുടരുന്നു. ഇന്ന് സംസ്ഥാനത്ത് 5,709 പേര്ക്കാണ് കോവിഡ് സ്ഥിരീകരിച്ചത്. ഇതോടെ ഇതുവരെ കോവിഡ് ബാധിച്ചവരുടെ എണ്ണം 3,49,654 ആയി ഉയര്ന്നു.
121 മരണങ്ങളും ഇന്ന് റിപ്പോര്ട്ട് ചെയ്തു. മരണ സംഖ്യ 6,007 ആയി. നിലവില് 53,860 കോവിഡ് രോഗികളാണ് ചികിത്സയിലുള്ളത്. രാജ്യത്ത് കോവിഡ് ഏറ്റവും മോശമായി ബാധിച്ച സംസ്ഥാനങ്ങളിലൊന്നാണ് തമിഴ്നാട്.
ആന്ധ്രാപ്രദേശില് ഇന്ന് 9652 പേര്ക്കാണ് കോവിഡ് സ്ഥിരീകരിച്ചത്. 9211 പേര് രോഗമുക്തി നേടി. 88 പേര് മരിച്ചു.
സംസ്ഥാനത്ത് ഇതുവരെ 3,06,261 പേര്ക്കാണ് രോഗം സ്ഥിരീകരിച്ചത്. 85130 പേരാണ് നിലവില് ചികിത്സയിലുള്ളത്. 2820 പേരാണ് ഇതുവരെ രോഗബാധയെ തുടര്ന്ന് മരിച്ചത്.