ദലിത് കുട്ടികള്ക്കും സ്ത്രീകള്ക്കുമെതിരായ അതിക്രമം ചര്ച്ച ചെയ്യണമെന്നാവശ്യപ്പെട്ട് രാജ്യസഭയില് അടിയന്തര പ്രമേയത്തിന് നോട്ടീസ്. ബിനോയ് വിശ്വം എം.പിയാണ് നോ ട്ടീസ് നല്കിയത്
ന്യൂഡല്ഹി : ദലിത് പെണ്കുട്ടിയെ ക്രൂരമായി പീഡിപ്പിച്ച് കൊന്ന സംഭവത്തില് രാജ്യ തലസ്ഥാ നത്ത് വ്യാപക പ്രതിഷേധം. ഡല്ഹി നങ്കലി ലാ ണ് ഒമ്പത് വയസ്സുള്ള പെണ്കുട്ടിയെ പീഡിപ്പിച്ച് കൊലപ്പെടുത്തിയത്. കേസില് തെളിവ് നശിപ്പിക്കാന് പൊലീസ് പ്രതികള്ക്ക് കൂട്ടുനിന്നെന്നാണ് കുടുംബത്തിന്റെ ആരോപണം.
സംഭവത്തില് ദലിത് നേതാവ് ചന്ദ്രശേഖര് ആസാദ് ഉള്പ്പെടെയുള്ളവര് പ്രതിഷേധവുമായി രം ഗത്തെത്തിയിരുന്നു. ഹാഥ്റസിനെ ഓര്മിപ്പിക്കുന്ന സംഭവമാണ് നങ്കലില് നടന്നതെന്ന് പ്രതിഷേ ധക്കാര് പറഞ്ഞു. ദലിത് കുട്ടികള്ക്കും സ്ത്രീകള്ക്കുമെതിരായ അതിക്രമം ചര്ച്ച ചെയ്യണമെന്നാ വശ്യപ്പെട്ട് രാജ്യസഭയില് അടിയന്തര പ്രമേയത്തിന് നോട്ടീസ്. ബിനോയ് വിശ്വം എം.പിയാണ് നോട്ടീസ് നല്കിയത്. ഡല്ഹിയില് ഒമ്പത് വയ സുള്ള ദലിത് പെണ്കുട്ടി ബലാത്സംഗത്തിനി രയായി കൊല്ലപ്പെട്ടതിന്റെ പശ്ചാത്തലത്തിലാണ് നടപടി.
പെണ്കുട്ടിയുടെ മൃതദേഹം ദഹിപ്പിക്കുന്നതില് പൊലീസ് പ്രതികള്ക്കൊപ്പം നിന്നു. ദഹിപ്പിക്കവെ വെള്ളമൊഴിക്കാന് ശ്രമിച്ച പ്രദേശവാസികളെ തടഞ്ഞു. മണിക്കൂറുകളോളം പൊലീസ് തങ്ങളെ സ്റ്റേഷനില് ബന്ദിയാക്കിവെച്ചെന്നും മാതാപിതാക്കള് ആരോപിച്ചു. പൊലീസിന് മുന്നിലിട്ട് പിതാവി നെ പ്രതികളുടെ ആളുകള് മര്ദിച്ചെന്നും മാതാവ് വ്യക്തമാക്കി. പോസ്റ്റുമോര്ട്ടം നടത്തി ശാസ്ത്രീയ തെളിവുകള് ശേഖരിക്കാന് പോലും കഴിയാത്ത വിധത്തില് പെണ്കുട്ടിയുടെ മൃതദേഹം കത്തിച്ചു കളഞ്ഞ കൊലയാളികള്ക്ക് കര്ശന ശിക്ഷ ഉറപ്പാക്കണമെന്നാണ് പ്രതിഷേധക്കാരു ടെ ആവശ്യം.
സംഭവത്തില് പുരോഹിതന് രാധേശ്യാം ഉള്പ്പെടെ നാല് പേരെ പൊലീസ് അറസ്റ്റ് ചെയ്തു. പോക്സോ, എസ്.സി/എസ്.ടി നിയമങ്ങള് പ്രകാരമാണ് അറസ്റ്റിലായ പ്രതികള്ക്കെതിരെ കുറ്റം ചുമത്തിയത്.
