പാലാരിവട്ടം പാലം അഴിമതി കേസില്‍ ജാമ്യവ്യവസ്ഥയില്‍ ഇളവ് തേടി മുന്‍ മന്ത്രി വികെ ഇബ്രാഹിം കുഞ്ഞ് എംഎല്‍എ സമര്‍പ്പിച്ച ഹര്‍ജി തള്ളി. ജില്ലയ്ക്ക് പുറത്ത് പോകാന്‍ അനുമതി തേടിയുള്ള അപേക്ഷയാണ് തള്ളിയത്.
കൊച്ചി : പാലാരിവട്ടം പാലം അഴിമതി കേസില്‍ ജാമ്യവ്യവസ്ഥയില്‍ ഇളവ് തേടി മുന്‍ മന്ത്രി വികെ ഇബ്രാഹിം കുഞ്ഞ് എംഎല്‍എ സമര്‍പ്പിച്ച ഹര്‍ജി തള്ളി. ജില്ലയ്ക്ക് പുറത്ത് പോകാന്‍ അനുമതി തേടിയുള്ള അപേക്ഷയാണ് തള്ളിയത്.
രാജ്യസഭാ തെരഞ്ഞെടുപ്പില്‍ വോട്ട് ചെയ്യാന്‍ തിരുവനന്തപുരത്തേക്ക് പോകാന്‍ അനുവദിക്കണം, എം എല്‍ എ ക്വാര്‍ട്ടേഴ്സ് ഒഴിയണം എന്നത് അടക്കം ഉള്ള ആവശ്യം ഉന്നയിച്ചാണ് ഹര്‍ജി നല്‍കി യത്. എന്നാല്‍ രാജ്യസഭാ തെറ്റഞ്ഞെടുപ്പില്‍ സ്ഥാനാര്‍ഥികള്‍ എതിരില്ലാതെ തെരെഞ്ഞെ ടുത്തു എന്ന് പ്രോസിക്യൂട്ടര്‍ അറിയിച്ചു. ഇതോടെയാണ് ഹര്‍ജി തള്ളിയത്.
നേരത്തെ ഉപാധികളോടെയാണ് കോടതി ഇബ്രാഹിം കുഞ്ഞിന് ജാമ്യം അനുവദിച്ചത്. ആരോഗ്യ സ്ഥിതി പരിഗണിച്ചായിരുന്നു ജാമ്യം നല്‍കിയത്. എറണാകുളം ജില്ല വിട്ടു പോകരുത്, സാക്ഷികളെ സ്വാധീനിക്കരുത്, അന്വേഷണവുമായി സഹകരിക്കണം, പാസ്‌പോര്‍ട്ട് കോടതിയില്‍ നല്‍കണം എന്നിങ്ങനെയാണ് ഉപാധികള്‍. കേസില്‍ കഴിഞ്ഞ വര്‍ഷം നവംബര്‍ 18നാണ് ഇബ്രാഹിം കുഞ്ഞി നെ വിജിലന്‍സ് അറസ്റ്റ് ചെയ്തത്. നേരത്തെ കേസില്‍ മൂന്നു തവണ ഇബ്രാഹിം കുഞ്ഞിനെ അറസ്റ്റു ചെയ്തിരുന്നു.
