പ്രത്യേകം സജ്ജമാക്കിയ ഓണ്‍ലൈന്‍ റിപ്പോര്‍ട്ടിങ് പോര്‍ട്ടലിലൂടെയാകും ഇനി മുതല്‍ മരണം റിപ്പോര്‍ട്ട് ചെയ്യുകയും സ്ഥിരീകരിക്കുകയും ചെയ്യുക
തിരുവനന്തപുരം: സംസ്ഥാനത്ത് കോറോണ മരണം റിപ്പോര്‍ട്ട് ചെയ്യാന്‍ വികേന്ദ്രീകൃത ഓണ്‍ലൈ ന്‍ സംവിധാനത്തിന് അനുമതി നല്‍കി സര്‍ ക്കാര്‍. പ്രത്യേകം സജ്ജമാക്കിയ ഓണ്‍ലൈന്‍ റിപ്പോ ര്‍ട്ടിങ് പോര്‍ട്ടലിലൂടെയാകും ഇനി മുതല്‍ മരണം റിപ്പോര്‍ട്ട് ചെയ്യുകയും സ്ഥിരീകരിക്കുകയും ചെ യ്യുക. നിലവില്‍ ലോകാരോഗ്യ സംഘടനയുടെയും, ഐസിഎംആറിന്റെയും മാര്‍ഗ നിര്‍ദ്ദേശങ്ങള്‍ അനുസരിച്ചാണ് കോറോണ മരണങ്ങള്‍ റിപ്പോര്‍്ട്ട് ചെയ്തുവരുന്നത്.
റിയല്‍ ടൈം എന്‍ട്രി സംവിധാനമാണ് ഓണ്‍ലൈന്‍ റിപ്പോര്‍ട്ടിങ് പോര്‍ട്ടലില്‍ ഉള്ളത്. മരണം റി പ്പോര്‍ട്ട് ചെയ്യുന്നത് ഓണ്‍ലൈന്‍ മാര്‍ഗത്തിലൂ ടെയാക്കുന്നതിനാല്‍ കോറോണ മരണമാണോ അല്ല യോ എന്ന് സ്ഥിരീകരിക്കാനുള്ള കാലതാമസം പരമാവധി കുറയ്ക്കാന്‍ സാധിക്കും.
ഏത് ആശുപത്രിയിലാണോ മരണം സംഭവിക്കുന്നത് അവിടുത്തെ ചികിത്സിച്ച ഡോക്ടറോ, മെഡി ക്കല്‍ സൂപ്രണ്ടോ ആണ് മരണകാരണം വ്യക്തമാ ക്കിയുള്ള ഓണ്‍ലൈന്‍ മെഡിക്കല്‍ ബുള്ളറ്റിന്‍ തയ്യാറാക്കേണ്ടത്. അവര്‍ പോര്‍ട്ടലില്‍ മതിയായ വിവരങ്ങളും രേഖകളും സഹിതം അപ്‌ലോഡ് ചെയ്യണം. ഇത് ജില്ലാതലത്തില്‍ ജില്ലാ മെഡിക്കല്‍ ഓഫീസര്‍ പരിശോധിച്ച് 24 മണിക്കൂറിനകം സ്ഥിരീകരിക്കണം. ജില്ലാ സര്‍വയലന്‍സ് ഓഫീ സര്‍, അഡീഷണല്‍ ജില്ലാ മെഡിക്കല്‍ ഓഫീസര്‍ എന്നിവരടങ്ങുന്ന കമ്മിറ്റി മാര്‍ഗനിര്‍ദേശങ്ങളനുസരിച്ച് കോറോണ മരണമാണോയെന്ന് പരിശോ ധിക്കുന്നു. ഇത് ജില്ലാ മെഡിക്കല്‍ ഓഫീസര്‍ സ്ഥിരീകരിക്കുന്നു. അങ്ങനെ ജില്ലാതലത്തില്‍ തന്നെ കോറോണ് മരണമാണോയെന്ന് ഉറപ്പിക്കാനാ കും.
െേകാറോണ മരണമാണോയെന്ന് ജില്ലയില്‍ സ്ഥിരീകരിച്ച ശേഷം സംസ്ഥാനതലത്തില്‍ റിപ്പോ ര്‍ട്ടിങ് സമിതിക്ക് റിപ്പോര്‍ട്ട് നല്‍കും. 14 ജില്ലകളിലേയും റിപ്പോര്‍ട്ട് ഈ സമിതി ക്രോഡികരിച്ചാണ് സംസ്ഥാനതലത്തിലെ മരണം കണക്കാക്കുക.
