കേരളത്തിലും കര്‍ണ്ണാടകത്തിലും കോവിഡ് നിയന്ത്രങ്ങളില്‍ ഇളവ് നല്‍കിയ സാഹചര്യ ത്തില്‍ കേരള – കര്‍ണ്ണാടക അന്തര്‍ സംസ്ഥാന സര്‍വീസുകള്‍ ആരംഭിക്കാന്‍ കെ എസ്ആര്‍ ടി സി തയ്യാറെന്ന് ഗതാഗത മന്ത്രി ആന്റണി രാജു
തിരുവനന്തപുരം : കേരളത്തിലും കര്‍ണ്ണാടകത്തിലും കോവിഡ് നിയന്ത്രങ്ങളില്‍ ഇളവ് നല്‍കിയ സാഹചര്യത്തില്‍ കേരള – കര്‍ണ്ണാടക അന്തര്‍ സംസ്ഥാന സര്‍വീസുകള്‍ ആരംഭിക്കാന്‍ കെഎസ്ആര്‍ടി സി തയ്യാറെന്ന് ഗതാഗത മന്ത്രി ആന്റണിരാജു പറഞ്ഞു. ഇക്കാര്യം കര്‍ണ്ണാടക സര്‍ ക്കാരിനെ അറിയിച്ചതായും ഗതാഗതമന്ത്രി അറിയിച്ചു.
കര്‍ണ്ണാടക സര്‍ക്കാരിന്റെ മറുപടിക്ക് വേണ്ടി കേരളം കാത്തിരിക്കുകയാണ്. കര്‍ണ്ണാടകത്തില്‍ നി ന്നുള്ള മറുപടി കൂടി ലഭിച്ച ശേഷം ഈ സര്‍വ്വീസുകളിലേക്കുള്ള ടിക്കറ്റ് ബുക്കിങ് വീണ്ടും തുടങ്ങും. യാത്രക്കാരുടെ ആവശ്യം അനുസരിച്ച് പരിമിതമായ സര്‍വീസുകളാണ് കോഴിക്കോട് – കാസര്‍ഗോ ഡ് വഴി കെഎസ്ആര്‍ടിസി നടത്തുക. ഇതേ റൂട്ട് വഴിയുള്ള സര്‍വീസുകളായിരിക്കും കര്‍ണ്ണാടക റോഡ് കോര്‍പ്പറേഷനും നടത്തുക.
തമിഴ്നാട് സര്‍ക്കാരിന്റെ അനുമതി ലഭിക്കാത്തതിനാല്‍ പാലക്കാട് – സേലം വഴിയുള്ള സര്‍വീസു ക ള്‍ ഇപ്പോള്‍ ആരംഭിക്കുന്നില്ലെന്നും അദ്ദേഹം പറഞ്ഞു. കോവിഡ് മാനദണ്ഡങ്ങള്‍ പൂര്‍ണ്ണമായും പാ ലിച്ച് കൊണ്ടാകും സര്‍വീസുകള്‍ നടത്തുകയെന്നും മന്ത്രി അറിയിച്ചു.
