കൊച്ചി: കോണ്ഗ്രസ് തിരിച്ചുവരണമെന്ന് താന് പറഞ്ഞിട്ടുണ്ടെങ്കില് തന്റെ സാമാന്യബുദ്ധിക്ക് എന്തെങ്കിലും തകരാറ് ഉണ്ടാകണമെന്ന് നടനും മുന് എംപിയുമായ ഇന്നസെന്റ്. കോണ്ഗ്രസിന്റെ തിരിച്ചുവരവ് കാലഘട്ടത്തിന്റെ ആവശ്യമാണെന്ന് ഇന്നസെന്റ് പറഞ്ഞുവെന്ന തരത്തിലുള്ള പോസ്റ്റുകള് പ്രചരിച്ചിരുന്നു.ഇത്തരം വ്യാജ പോസ്റ്റുകള് ശ്രദ്ധയില്പെട്ടപ്പോഴാണ് ഇന്നസെന്റ് ഫേസ്ബുക്കില് പ്രതികരിച്ചത്. പച്ചക്കള്ളം പ്രചരിപ്പിക്കുന്നത് മാന്യതയേയല്ലെന്നും ഇന്നസെന്റ് പറഞ്ഞു.
പോസ്റ്റ് ചുവടെ
ആറ് പതിറ്റാണ്ടോളം ഇന്ത്യ ഭരിച്ചതിനു ശേഷം സ്വന്തം കൈയ്യിലിരിപ്പു കൊണ്ട് ഏതാനും സംസ്ഥാനങ്ങളിലൊതുങ്ങിയ കോണ്ഗ്രസ് തിരിച്ചു വര ണമെന്ന് ഞാന് പറഞ്ഞിട്ടുണ്ടെങ്കില് എന്റെ സാമാന്യ ബുദ്ധിക്ക് എന്തെങ്കിലും തകരാറുണ്ടാവണം. പിതാവിലൂടെ എന്നിലേക്ക് പകര്ന്നതാണ് എന്റെ രാഷ്ട്രീയം. കരുതലിന്റേയും വികസനത്തിന്റേയും തുടര് ഭരണം ഉണ്ടാവണമെന്ന കേരളത്തിന്റെ പൊതുവികാരമാണ് എനിക്കും. അതില്ലാതാ ക്കാന് പച്ചക്കള്ളം പ്രചരിപ്പിക്കുന്നത് മാന്യതയേയല്ലെന്നും ഇന്നസെന്റ് ഫേസ്ബുക്കില് വ്യക്തമാക്കി.
