കുവൈറ്റ് സന്ദർശക വിസ താൽക്കാലികമായി നിർത്തിവെച്ചു
കുവൈറ്റ് സിറ്റി: കുവൈറ്റിൽ കുടുംബ വിനോദ സഞ്ചാര സന്ദർശക വിസ നൽകുന്നത് താൽക്കാലികമായി നിർത്തിവെച്ചു . ആഭ്യന്തര മന്ത്രി ശൈഖ് അഹമ്മദ് നവാഫ് അസ്സബാഹ് ആണ്ഉത്തരവിറക്കിയത് .
തിങ്കളാഴ്ച മുതൽ പുതിയ അറിയിപ്പ് ഉണ്ടാകുന്നതുവരെയാണിത് . വിസ നടപടികൾക്ക് പുതിയ മെക്കാനിസം കൊണ്ടു വരുന്നതിനു മുന്നോടിയായി ആണ് നടപടിയെന്ന് മന്ത്രാലയം വ്യക്തമാക്കി. ആഭ്യന്തര മന്ത്രാലയം അണ്ടർ സെക്രട്ടറിയുടെ പ്രത്യേക അനുമതിയോടെ നിയന്ത്രിതമായി മാത്രമേ കുടുംബസന്ദർശന വിസ അനുവദിച്ചിരുന്നുള്ളൂ. 500കുവൈറ്റ് ദിനാറിന് മുകളിൽ ശമ്പളം ഉള്ളവർക്കു മാത്രമാണ് വിസ നൽകിയിരുന്നത് .