മഹാരാഷ്ട്രയില് വിശ്വാസവോട്ടെടുപ്പ് നാളെ നടത്തണമെന്ന സുപ്രീം കോടതി ഉത്ത ര വിന് പിന്നാലെ മുഖ്യമന്ത്രി ഉദ്ധവ് താക്കറെ രാജിവച്ചു. ഫെയ്സ്ബുക്ക് ലൈവിലൂടയാ ണ് താക്കറെ രാജി അറിയിച്ചത്.=
മുംബൈ: രാഷ്ട്രീയ പ്രതിസന്ധിക്കൊടുവില് മഹാരാഷ്ട്രയില് വിശ്വാസവോട്ടെടുപ്പ് നാളെ നടത്തണ മെന്ന സുപ്രീം കോടതി ഉത്തരവിന് പിന്നാലെ മുഖ്യമന്ത്രി ഉദ്ധവ് താക്കറെ രാജിവച്ചു. ഫെയ്സ്ബുക്ക് ലൈവിലൂടയാണ് താക്കറെ രാജി അറിയിച്ചത്. സുപ്രീം കോടതി വിധി അംഗീകരിക്കുന്നു. യഥാര്ഥ ശിവസൈനികര് തനിക്ക് ഒപ്പമുണ്ട്. വിമതര്ക്ക് എല്ലാം നല്കി. ശിവസേനയെ സ്വന്തം നേട്ടത്തിനായി മാത്രം കണ്ടവരാണ് പാര്ട്ടി വിട്ടതെന്നും ഉദ്ധവ് പറഞ്ഞു. 24 മണിക്കൂറിനുള്ളില് വിശ്വാസ വോട്ട് നട ത്താന് പറഞ്ഞ ഗവര്ണര്ക്ക് നന്ദിയെന്ന് ഉദ്ധവ് പരിഹസിച്ചു.
കോണ്ഗ്രസ് അധ്യക്ഷ സോണിയ ഗാന്ധിയ്ക്കും എന്സിപി മേധാവി ശരത് പവാറും നല്കിയ പിന്തു ണയ്ക്ക് നന്ദിയെന്നും താക്കറെ പറഞ്ഞു.സര്ക്കാര് പിന്തുടര്ന്ന് ശിവജിയുടെ നയമാണെന്നും താക്കറെ കൂട്ടിച്ചേര്ത്തു.
അധികാരത്തില് കടിച്ചു തൂങ്ങാനില്ല. ഒരു ശിവസേനക്കാരന് പോലും എതിരാകുന്നത് സഹിക്കാനാ വില്ല. ചെയ്തതെല്ലാം മറാത്തക്കാര്ക്കും ഹിന്ദുക്കള്ക്കും വേണ്ടി. പദവി ഒഴിയുന്നതില് ദുഃഖമില്ലെന്നും താക്കറെ പറഞ്ഞു. താന് അധികാരത്തില് വന്ന ശേഷം ജനക്ഷേമകരമായ പ്രവര്ത്തനങ്ങള് നട ത്തിയ ശേഷമാണ് ഒഴിയുന്നതെന്നും അദ്ദേഹം പറഞ്ഞു. യഥാര്ഥ ശിവസൈനികര് തനിക്കൊപ്പ മുണ്ട്. എന്ത് പ്രശ്നമുണ്ടെങ്കിലും വിമതര്ക്ക് ചര്ച്ച നടത്താമായിരുന്നെന്നും താക്കറെ ആവര്ത്തിച്ചു.
വോട്ടെടുപ്പ് മാറ്റുന്നതുമായി ബന്ധപ്പെട്ട് ശിവസേന സമര്പ്പിച്ച ഹര്ജി കോടതി തള്ളുകയായിരുന്നു. ഇതോടെ മഹാവികാസ് അഘാഡി സര്ക്കാര് നാളെ നിയമസഭയില് ഭൂരിപക്ഷം തെളിയിക്കണം. മൂന്നേകാല് മണിക്കൂര് നീണ്ട വാദത്തിനൊടുവിലാണ് സുപ്രീം കോടതിയിയുടെ നിര്ണായക വിധി.
നാളെ വിശ്വാസവോട്ടെടുപ്പ് നടത്തരുതെന്ന് സിങ്വി കോടതിയില് വാദിച്ചു. അതേസമയം യഥാര്ഥ ശിവസേന തങ്ങളാണെന്ന് വിമത എംഎല്എമാര് സുപ്രീം കോടതിയി ല് പറഞ്ഞു. 39 എംഎല് എമാര് ഒപ്പമുണ്ട്. അയോഗ്യതാ നോട്ടിസ് ലഭിച്ചത് 16 എംഎല്എമാര്ക്കാണെന്നും വിമതരുടെ അഭി ഭാഷകന് കോടതിയില് പറഞ്ഞു.
മുഖ്യമന്ത്രി കസേരയില് അള്ളിപ്പിടിച്ചിരിക്കില്ല, പിന്തുണച്ചവര്ക്കെല്ലാം നന്ദി : ഉദ്ധവ് താക്കറേ
ആരോടാണ് നിങ്ങള്ക്ക് വൈരാഗ്യം? എന്ത് പ്രശ്നമുണ്ടെങ്കിലും നേരിട്ട് ചര്ച്ച നടത്താമായി രുന്നു എന്ന് വിമതരോട് ഉദ്ധവ് പറഞ്ഞു. ബിജെപി ഇടപെട്ട് 24 മണിക്കൂറിനകം വിശ്വാസവോട്ട് തേടണമെന്ന് നിര്ദേശിച്ചു. ശിവസേനാ പ്രവര്ത്തകര് അമര്ഷത്തിലാണ്. ജനാധിപത്യം നമ്പറു കള് കൊണ്ടുള്ള കളിയാണോ? തനിക്ക് ആ കളിയില് താത്പര്യമില്ല. ബാല് താക്കറെയെ ഉപ യോഗപ്പെടുത്തിയ നിങ്ങള് ഇന്ന് അദ്ദേഹത്തിന്റെ മകനെ താഴെ ഇറക്കാന് തുനിഞ്ഞി റങ്ങി. മുഖ്യമന്ത്രി കസേരയില് അള്ളിപ്പിടിച്ചിരിക്കില്ല. പിന്തുണച്ചവര്ക്കെല്ലാം നന്ദിയെന്നും ഫേസ്ബു ക്ക് ലൈവില് ഉദ്ധവ് താക്കറേ പറഞ്ഞു.
