ഇന്നലെ വെണ്ണലയിലുള്ള നന്ദകുമാറിന്റെ വീട്ടിലെത്തുകയും അദ്ദേഹത്തിന്റെ അമ്മയുടെ ജന്‍മദിനാഘോങ്ങളില്‍ പങ്കെടുക്കുകയും ചെയ്തതാണ് സിപിഎമ്മില്‍ വലിയതോതിലുള്ള വിമര്‍ശനത്തിന് കാരണം
കൊച്ചി: സിപിഎം സംസ്ഥാന സെക്രട്ടറി എം വി ഗോവിന്ദന്‍ നടത്തുന്ന ജനകീയ പ്രതിരോധ ജാഥയില്‍ പ ങ്കെടുക്കാതെ എല്‍.ഡി.എഫ് കണ്‍വീനര്‍ ഇ പി ജയരാജന്‍ പവിവാദ സമ്പന്നന്‍ ‘ദല്ലാള്‍ നന്ദകുമാറിന്റെ’ വീട്ടിലെത്തിയത് പാര്‍ട്ടിയില്‍ അമര്‍ഷം പുകയുന്നു. നന്ദകുമാറിന്റെ അമ്മയെ ആദരിക്കുന്ന ചടങ്ങില്‍ അതിഥിയായാണ് ഇ പി ജയരാജന്‍ പങ്കെടുത്തത്.
വെണ്ണല തയ്ക്കാട്ടുശ്ശേരി ക്ഷേത്രത്തിലെ പരിപാടികളോട് അനുബന്ധിച്ചായിരുന്നു ചടങ്ങ്. സംസ്ഥാന സര്‍ ക്കാറിന്റെ ഡല്‍ഹിയിലെ പ്രത്യേക പ്രതിനിധിയായ കെ.വി തോമസിനൊപ്പമായിരുന്നു ഇ.പി ജയരാജന്‍ ചടങ്ങില്‍ പങ്കെടുത്തത്. ഇന്നലെ വെണ്ണലയിലുള്ള നന്ദകുമാറിന്റെ വീട്ടിലെത്തുകയും അദ്ദേഹത്തിന്റെ അമ്മയുടെ ജന്‍മദിനാഘോങ്ങളില്‍ പങ്കെടുക്കുകയും ചെയ്തതാണ് സിപിഎമ്മില്‍ വലിയതോതിലുള്ള വിമര്‍ശനത്തിന് കാരണം.
ജനകീയ പ്രതിരോധന ജാഥയുടെ തലേദിസവമാണ് ഇ പി ജയരാജന്‍ കൊച്ചിയില്‍ എത്തിയത്. ജാഥയി ല്‍ പങ്കെടുക്കാത്തത് ആരോഗ്യപരമായ കാരണങ്ങളാണെന്നാണ് കഴിഞ്ഞദിവസം ജാഥാക്യാപ്റ്റന്‍ കൂടി യായ എം വി ഗോവിന്ദന്‍ പറഞ്ഞത്. എന്നാല്‍ ഇപിയുടെ സന്ദര്‍ശനം ശ്രദ്ധയില്‍ പെട്ടിട്ടില്ലെന്ന് എംവി ഗോവിന്ദന്‍ പ്രതികരിച്ചു.പി.ജ യരാജന്‍ സംസ്ഥാന സമിതിയില്‍ ഉന്നയിച്ച ആയുര്‍വേദ റിസോര്‍ട്ട് പരാ തിയില്‍ വിശദീകരണം നല്‍കിയിട്ടും തീരുമാനം വൈകുന്നതിലുള്ള നീരസത്തിലാണ് ഇപിയെന്നാ ണു വിവരം. ഇക്കാര്യത്തില്‍ അനൂകൂല നടപടി നേതൃത്വത്തിന്റെ ഭാഗത്തു നിന്ന് ഉണ്ടായെങ്കിലേ തീരുമാനം മാറ്റൂ. ജാഥയുടെ ഉദ്ഘാടനച്ചടങ്ങിലോ കാസര്‍കോട്, കണ്ണൂര്‍, വയനാട് ജില്ലകളിലെ പര്യടനത്തിലോ ഇ പി പങ്കെടുത്തിട്ടില്ല.
