ദുബായ് : ദുബായ് നൗ സൂപ്പർ ആപ്പിൽ പുതിയ ഫീചർ ആയി, ആർട്ടിഫിഷ്യൽ ഇൻ്റലിജൻസ് (AI), ഡിജിറ്റൽ ദുബായ് മദീനതി അവതരിപ്പിച്ചു. ഇത് റോഡുകളിലോ നഗരത്തിലുടനീളമുള്ള മറ്റേതെങ്കിലും സ്ഥലങ്ങളിലോ ഉള്ള തടസ്സങ്ങൾ റിപ്പോർട്ട് ചെയ്യുന്നത് എളുപ്പമാക്കും. ഈ ഫീച്ചർ ഉപയോഗിച്ച് ഉപയോക്താക്കളെ ഫോട്ടോ ക്ലിക്കുചെയ്യാനും അധികാരികളുമായി പങ്കിടാനും അനുവദിക്കുന്നുണ്ട്. താമസക്കാർക്കും സന്ദർശകർക്കും തകർന്ന റോഡുകൾ, വീണ മരങ്ങൾ അല്ലെങ്കിൽ മറ്റേതെങ്കിലും തടസ്സങ്ങൾ എന്നിവയുടെ ഫോട്ടോ എടുത്ത് അത് ബന്ധപ്പെട്ട വകുപ്പുകളെ അറിയിക്കാൻ ഈ പുതിയ സേവനമുപയോഗിച്ചുകൊണ്ട് ദുബായ് നൗ പ്ലാറ്റ്ഫോമിൽ പങ്കിടാം.
ഡിജിറ്റൽ ദുബായ്, റോഡ്സ് ആൻഡ് ട്രാൻസ്പോർട്ട് അതോറിറ്റി (ആർടിഎ), ദുബായ് മുനിസിപ്പാലിറ്റി എന്നിവയുടെ സംയുക്ത ശ്രമമാണ് മദീനതി. പ്രശ്നം പങ്കിടുന്ന വ്യക്തിയുടെ ലൊക്കേഷൻ സ്ഥിരീകരിക്കുക എന്നത് മാത്രമാണ് ഫീച്ചർ ഉപയോഗിക്കുന്നതിനുള്ള നിബന്ധന. ദുബായ് നൗ സൂപ്പർ ആപ്പിൽ ലഭ്യമായ സ്വകാര്യ, സർക്കാർ മേഖലകളിലെ 45-ലധികം സ്ഥാപനങ്ങളിൽ നിന്നുള്ള 280 സേവനങ്ങളിൽ ഒന്നാണ് മദീനതി.
