അബുദാബി : യുഎഇയിലെ റിയൽ എസ്റ്റേറ്റ് ഉടമകൾക്ക് ഗോൾഡൻ വീസയ്ക്ക് അപേക്ഷിക്കുമ്പോൾ, രണ്ടുവർഷത്തെ ആരോഗ്യ ഇൻഷുറൻസ് പ്ലാൻ സമർപ്പിക്കുക നിർബന്ധമാണെന്ന് ഫെഡറൽ അതോറിറ്റി ഫോർ ഐഡന്റിറ്റി, സിറ്റിസൺഷിപ്, കസ്റ്റംസ് ആൻഡ് പോർട്ട് സെക്യൂരിറ്റി അറിയിച്ചു.
വീസ അപേക്ഷയ്ക്കൊപ്പം ആരോഗ്യ ഇൻഷുറൻസിന്റെ രേഖകളും സമർപ്പിക്കേണ്ടതുണ്ട്. കൂടാതെ മുൻ താമസ വീസയുമായി ബന്ധപ്പെട്ട ഏതെങ്കിലും പിഴയോ കുടിശികയോ ഉണ്ടെങ്കിൽ അതും അടച്ചു തീർക്കണം.
യുഎഇയിൽ സ്വന്തമായി വീടോ റിയൽ എസ്റ്റേറ്റ് ഗ്രൂപ്പോ ഉള്ള നിക്ഷേപകർക്ക്, നിശ്ചിത മാനദണ്ഡങ്ങൾ പാലിച്ചാൽ ഗോൾഡൻ വീസയ്ക്ക് അപേക്ഷിക്കാം. അപേക്ഷകനിക്ക് കുറഞ്ഞത് AED 2,000,000 (രണ്ട് മില്ല്യൺ ദിർഹം) മൂല്യമുള്ള സ്വത്ത് ഉണ്ടാകണം.
അതിന്റെയും പൂർണ ഉടമസ്ഥത നിക്ഷേപകന്റേതായിരിക്കണം. സ്വന്തമാക്കിയ റിയൽ എസ്റ്റേറ്റ് അംഗീകൃത കമ്പനികളുടെ വഴിയോ അതത് പ്രദേശത്തെ ഭരണകൂടത്തിന്റെ മേൽനോട്ടത്തിലുള്ള ഇടപാടിലൂടെ ആയിരിക്കണം. ബന്ധപ്പെട്ട രേഖകൾ വിസ അപേക്ഷയ്ക്കൊപ്പം ഉൾപ്പെടുത്തേണ്ടതുണ്ട്.
വിസാ അപേക്ഷയുടെ ആദ്യ ഘട്ടമായി അപേക്ഷകന്റെ യോഗ്യത പരിശോധിക്കും. യോഗ്യനാണെന്ന് സ്ഥിരീകരിച്ചാൽ നിലവിലുള്ള താമസ വീസ റദ്ദാക്കി, ഗോൾഡൻ വീസയിലേക്കുള്ള സ്റ്റേറ്റസ് മാറ്റം നടപ്പിലാക്കും.
അപേക്ഷകന്റെ പേരിൽ ബാധ്യതകളോ കുടിശികകളോ ഉള്ളതായി കണ്ടെത്തിയാൽ, സ്റ്റേറ്റസ് മാറ്റം സാധുവാകുന്നത് ആ ബാധ്യതകൾ തീർത്തതിന് ശേഷമായിരിക്കും. കുടിശിക ഇല്ലാത്തവർക്ക് സ്റ്റേറ്റസ് മാറ്റം സ്വാഭാവികമായും നടപ്പാകും.
18 വയസ്സിന് മുകളിലുള്ള എല്ലാ അപേക്ഷകർക്കും വൈദ്യ പരിശോധന നിർബന്ധമാണ്. ഇൻഷുറൻസ് നടപടികളും അതിനോടൊപ്പം പൂർത്തിയാക്കണം.
