എല്ലാ മനുഷ്യരെയും ഒരുപോലെ കാണുക എന്ന സന്ദേശമാണ് ഓണം നൽകുന്നത്. നമ്മുക്കിടയിൽ സമഭാവന ഉണ്ടാവണം – അങ്ങനെ ആയാൽ ലോകത്തിൽ തന്നെ സമാധാനം ഉണ്ടാകുമെന്നും ഫാ ഡേവിസ് ചിറമേൽ അറിയിച്ചു.
11 ാം തീയതി വെള്ളിയാഴ്ച 5.00 pm മുതൽ സൂം പ്ലാറ്റഫോമിൽ കൂടിയ ഓണാഘോഷപരിപാടികളിൽ റവ ബാബു പി കുലത്താക്കൽ അധ്യക്ഷത വഹിച്ചു. പ്രശസ്ത ചലച്ചിത്ര സംവിധായകൻ ശ്രീ ബ്ലെസി , ചലച്ചിത്ര താരം ശ്രീ പ്രശാന്ത് അലക്സാണ്ടർ തുടങ്ങിയവർ ഓണാഘോഷ പരിപാടിക്കു ആശംസ അറിയിച്ചു സംസാരിച്ചു. യുവജനസഖ്യം അംഗങ്ങൾ അവതരിപ്പിച്ച വിവിധ കലാപരിപാടികൾ ശ്രദ്ധേയമായി. ഇടവക സഹ വികാരി റവ ബിജു സി പി, ശ്രീ ആരോൺ അജീഷ് , ശ്രീ അജേഷ് മാത്യു , ശ്രീമതി ഷിനു ദിപിൻ, ശ്രീ ബ്രെറ്റി ചാക്കോ, ശ്രീമതി മീനു മേരി, തുടങ്ങിയവർ സംസാരിച്ചു. ശ്രീ ലിജോ ജോൺ സ്വാഗതവും കൺവീനർ സിസിൻ മത്തായി നന്ദിയും അറിയിച്ചു.
ഓണാഘോഷത്തോട് അനുബന്ധിച്ചു യുവജനസഖ്യത്തിന്റെ നേതൃത്വത്തിൽ കേരളത്തിലും വിവിധ വയോജന മന്ദിരങ്ങളിൽ ഓണസദ്യ ക്രമീകരിച്ചു. കൊല്ലം ജില്ലയിൽ ഉപ്പുകുഴി മിഷൻ ഫീൽഡ്, റാന്നി പ്രതീക്ഷാ ഭവൻ, കൊട്ടാരക്കര കൃപ ഭവൻ, പുതിയകാവ് ശ്രെയസ് , കൊല്ലം പ്രത്യാശ ഭവൻ തുടങ്ങിയ സ്ഥലങ്ങളിൽ ആണ് ഓണസദ്യ ക്രമീകരിച്ചത്. സഖ്യം ഭാരവാഹികൾ ക്രമീകരണങ്ങൾക്ക് നേതൃത്വം നൽകി.