English हिंदी

Blog

മുംബൈ: ഓഹരി വിപണി വാരാന്ത്യത്തില്‍ കുതിച്ചുചാട്ടം നടത്തി. നിഫ്‌റ്റി സമ്മര്‍ദ നിലവാരമായ 10,800 ഭേദിച്ച്‌ 10,901 പോയിന്റില്‍ ക്ലോസ്‌ ചെയ്‌തു. 161 പോയിന്റ്‌ നേട്ടമാണ്‌ നിഫ്‌റ്റി ഇന്ന്‌ കൈവരിച്ചത്‌.

സെന്‍സെക്‌സ്‌ 548 പോയിന്റ്‌ ആണ്‌ ഇന്ന്‌ ഉയര്‍ന്നത്‌. 37,020 പോയിന്റില്‍ വ്യാപാരം അവസാനിപ്പിച്ച സെന്‍സെക്‌സ്‌ വ്യാപാരത്തിനിടെ 37,125 പോയിന്റ്‌ വരെ ഉയര്‍ന്നിരുന്നു.

Also read:  ഐശ്വര്യ റായിക്കും മകള്‍ ആരാധ്യയ്ക്കും കോവിഡ് നെഗറ്റീവ്

പ്രമുഖ ഫാര്‍മ കമ്പനിയായ സിപ്ല, എഫ്‌എംസിജി ഭീമനായ ബ്രിട്ടാനിയ എന്നിവയുടെ ഓഹരികള്‍ ഇന്ന്‌ 52 ആഴ്‌ചത്തെ ഉയര്‍ന്ന വില രേഖപ്പെടുത്തി. 50 ഓഹരികള്‍ ഉള്‍പ്പെട്ട നിഫ്‌റ്റിയിലെ 42 ഓഹരികളും നേട്ടം രേഖപ്പെടുത്തി.

എനര്‍ജി ഓഹരികളാണ്‌ ഇന്ന്‌ വിപണിയിലെ കുതിപ്പിന്‌ വഴിവെച്ചത്‌. പ്രമുഖ എനര്‍ജി കമ്പനിയായ ബിപിസിഎല്ലിന്റെ ഓഹരി ഇന്ന്‌ 12.43 ശതമാനമാണ്‌ ഉയര്‍ന്നത്‌. ഹിന്ദുസ്ഥാന്‍ പെട്രോളിയം, ടാറ്റാ പവര്‍, ഒഎന്‍ജിസി എന്നീ ഓഹരികള്‍ അഞ്ച്‌ ശതമാനത്തിന്‌ മുകളില്‍ ഉയര്‍ന്നു.

Also read:  അതിതീവ്ര ചുഴലിക്കാറ്റായി 'നിവാര്‍'; തീരത്തേക്ക് അടുക്കുന്നു

റിലയന്‍സ്‌ ഇന്റസ്‌ട്രീസും ഇന്ന്‌ വിപണിയുടെ മുന്നേറ്റത്തെ തുണച്ചു. റിലയന്‍സ്‌ ഓഹരി വില ഇന്ന്‌ 3.94 ശതമാനം ഉയര്‍ന്നു. ബിപിസിഎല്‍, ഒഎന്‍ജിസി, ഗെയില്‍, ഇന്‍ഫ്രാടെല്‍, റിലയന്‍സ്‌ ഇന്റസ്‌ട്രീസ്‌ എന്നിവയാണ്‌ ഏറ്റവും ഉയര്‍ന്ന നേട്ടം രേഖപ്പെടുത്തിയ നിഫ്‌റ്റി ഓഹരികള്‍.

Also read:  അടുത്ത ജൂലൈയോടെ 25 കോടി ജനങ്ങള്‍ക്ക് കോവിഡ് വാക്‌സിന്‍; നടപടികള്‍ തുടങ്ങി

ഹിന്‍ഡാല്‍കോ, ബ്രിട്ടാനിയ, നെസ്‌ളേ ഇന്ത്യ, ടിസിഎസ്‌, ഡോ.റെഡ്‌ഢീസ്‌ എന്നിവയാണ്‌ നിഫ്‌റ്റിയില്‍ കൂടുതല്‍ നഷ്‌ടം നേരിട്ട ഓഹരികള്‍.