English हिंदी

Blog

WhatsApp Image 2021-03-08 at 7.40.11 PM

അന്താരാഷ്ട്ര വനിതാദിനമായ തിങ്കളാഴ്ച സംസ്ഥാനത്തെ 123 പോലീസ് സ്റ്റേഷനുകള്‍ വനിതാ ഓഫീസര്‍മാര്‍ നിയന്ത്രിച്ചു. സ്റ്റേഷന്‍ ഹൗസ് ഓഫീസര്‍, ജി.ഡി ഇന്‍ ചാര്‍ജ്, പാറാവ്, പി.ആര്‍.ഒ ചുമതലകള്‍ വനിതാ ഉദ്യോഗസ്ഥരാണ് വഹിച്ചത്. തിരുവനന്തപുരം സിറ്റിയില്‍ കന്‍റോണ്‍മെന്‍റ്, തമ്പാനൂര്‍, കഴക്കൂട്ടം എന്നീ സ്റ്റേഷനുകളും റൂറലില്‍ കിളിമാനൂര്‍, ആറ്റിങ്ങല്‍, കല്ലമ്പലം, വെഞ്ഞാറമൂട്, നെയ്യാറ്റിന്‍കര, നെടുമങ്ങാട് എന്നീ സ്റ്റേഷനുകളുമാണ് വനിതകള്‍ നിയന്ത്രിച്ചത്.

Also read:  മുന്‍കൂട്ടി അറിയിക്കാത്ത ഒരു വാചകം റിപ്പോര്‍ട്ടിലുണ്ടെന്ന് തെളിയിക്കണം: വി.ഡി സതീശന്‍

വനിതാ ദിനത്തോടനുബന്ധിച്ച് വിവിധ ചുമതലകള്‍ നിര്‍വ്വഹിക്കുന്ന വനിതാപോലീസ് ഉദ്യോഗസ്ഥരുടെ ദൃശ്യങ്ങള്‍മുഖ്യമന്ത്രിയുടെ അകമ്പടിവാഹനത്തിലും ഔദ്യോഗികവസതിയായ ക്ലിഫ് ഹൗസിലും വനിതാ കമാന്‍ഡോമാരെ നിയോഗിച്ചിരുന്നു. ഹൈവേ പട്രോള്‍ വാഹനങ്ങളിലും വനിതാപോലീസ് ഉദ്യോഗസ്ഥരുടെ സേവനം ലഭ്യമാക്കി.

Also read:  കിന്‍ഫ്രയില്‍ നടന്നത് ബന്ധു നിയമനങ്ങള്‍; വിവരങ്ങള്‍ പുറത്തുവിട്ട് ചെന്നിത്തല

വിവിധ മേഖലകളില്‍ മികവ് തെളിയിച്ച പോലീസ് ഉദ്യോഗസ്ഥര്‍ക്ക് പോലീസ് ആസ്ഥാനത്ത് നടന്ന ചടങ്ങില്‍ സംസ്ഥാന പോലീസ് മേധാവി ലോക്നാഥ് ബെഹ്റ സര്‍ട്ടിഫിക്കറ്റുകള്‍ സമ്മാനിച്ചു.