കുവൈത്ത് സിറ്റി : മോശം വസ്ത്രധാരണവും മാന്യമല്ലാത്ത പെരുമാറ്റത്തെയും തുടർന്ന് പ്രവാസി യുവതിയുടെ വീസ കുവൈത്ത് നിഷേധിച്ചു. എംബസി സന്ദര്‍ശന വേളയില്‍ മോശം വസ്ത്രധാരണവും മാന്യമല്ലാത്ത പെരുമാറ്റവും യുവതിയുടെ ഭാഗത്ത് നിന്നുണ്ടായതായി അധികൃതർ അറിയിച്ചു.
ആര്‍ട്ടിക്കിള്‍ 18 വീസ പ്രകാരം ജോലിയ്ക്ക് ശ്രമിക്കുന്ന യുവതിയുടെ വിഷയം എംബസി അധികൃതർ കുവൈത്ത് ആഭ്യന്തര മന്ത്രാലയം അണ്ടര്‍ സെക്രട്ടറിയെ രേഖാമൂലം അറിയിച്ചു. വര്‍ക്ക് വീസ നല്‍കരുതെന്ന് നിര്‍ദേശവും ഉന്നയിച്ചു. എംബസിയുടെ ശുപാര്‍ശ ആഭ്യന്തര മന്ത്രാലയം അംഗീകരിച്ച് വീസ നിരസിക്കുകയും, കുവൈത്തിലേക്ക് പ്രവേശന വിലക്കും ഏര്‍പ്പെടുത്തിയിട്ടുണ്ട്. അതേസമയം ഇവര്‍ ഏത് രാജ്യക്കാരിയാണന്ന് അധികൃതര്‍ വ്യക്തമാക്കിയിട്ടില്ല.
