ഇന്ത്യയില്‍ നിന്നും സൗദിയിലേക്ക് നേരിട്ട് വിമാന സര്‍വീസ് ഇല്ലാത്തതിനാലാണ് പ്രവാസികള്‍ നേപ്പാള്‍ വഴി യാത്ര ചെയ്യുന്നത്.അന്താരാഷ്ട്ര വിമാന യാത്രാ വിലക്ക് നേപ്പാള്‍ മെയ് 31 വരെ നീട്ടിയതാണ് പ്രവാസികള്‍ക്ക് തിരിച്ചടിക്ക് കാരണം
കാഠ്മണ്ഡു : അയ്യായിരത്തോളം സൗദി പ്രവാസികള്‍ കാഠ്മണ്ഡുവില്‍ കുടുങ്ങി. അന്താരാഷ്ട്ര വിമാന യാത്രാ വിലക്ക് നേപ്പാള്‍ മെയ് 31 വരെ നീട്ടിയതാണ് പ്രവാസികള്‍ക്ക് തിരിച്ചടിയായത്. കോവിഡ് വ്യാപനം രൂക്ഷമായ സാഹചര്യത്തിലാണ് നേപ്പാള്‍ സര്‍ക്കാര്‍ ഈ മാസം ആറാം തിയ്യതി മുതല്‍ നിലവില്‍ വന്ന വിമാനയാത്രാ വിലക്ക് ഈ മാസം അവസാനം വരെ ദീര്‍ഘിപ്പിക്കാന്‍ കാരണം. സൗദി അറേബ്യയിലേക്ക് പോകാന്‍ എത്തിയ പ്രവാസികളാണ് ഇതോടെ ദുരിതത്തി ലായത്.
നേപ്പാളില്‍ 15 ദിവസം താമസിച്ച് കോവിഡ് നെഗറ്റീവായതിന് ശേഷമാണ് പ്രവാസികള്‍ സൗദിയി ലേക്ക് പോകുന്നത്. പാക്കേജിന്റെ കാലാവധി കഴിഞ്ഞതിനാല്‍ താമസത്തിനും ഭക്ഷണത്തിനും അധികം പണം നല്‍കേണ്ട സാഹചര്യമാണ് നിലവിലുള്ളത്. ഇന്ത്യയില്‍ നിന്നും സൗദിയിലേക്ക് നേരിട്ട് വിമാന സര്‍വീസ് ഇല്ലാത്തതിനാലാണ് പ്രവാസികള്‍ നേപ്പാള്‍ വഴി യാത്ര ചെയ്യുന്നത്.
