പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ചെന്ന പോക്സോ കേസിലെ മുഖ്യപ്രതികളായ നമ്പര് 18 ഹോട്ടല് ഉടമ റോയ് വയലാ റ്റിന്റെയും സൈജു തങ്കച്ചന്റെയും മുന്കൂര് ജാമ്യാപേക്ഷ ഹൈ ക്കോടതി തള്ളി. മൂന്നാം പ്രതി അഞ്ജലി വടക്കേപുരയ്ക്കലിന് കോട തി ജാമ്യം അനുവദിച്ചു.
കൊച്ചി : പ്രായപൂര്ത്തിയാവാത്ത പെണ്കുട്ടിയെ പീഡിപ്പിച്ചെന്ന പോക്സോ കേസിലെ മുഖ്യപ്രതികളായ നമ്പര് 18 ഹോട്ടല് ഉടമ റോ യ് വയലാറ്റിന്റെയും സൈജു തങ്കച്ചന്റെയും മുന്കൂര് ജാമ്യാപേക്ഷ ഹൈക്കോടതി തള്ളി. മൂന്നാം പ്രതി അഞ്ജലി വടക്കേപുരയ്ക്കലിന് കോടതി ജാമ്യം അനുവദിച്ചു. അഞ്ജലി പത്ത് ദിവസത്തിനകം കീഴടങ്ങണം. സ്ത്രീയെന്ന പരിഗണന മാത്രം കണക്കിലെടുത്താണ് ജാമ്യം അനുവദിക്കുന്നതെന്നും പ്രതിക്കെതിരായ ആ രോപണങ്ങള് ഗുരുതരമാണന്നും കോടതി വ്യക്തമാക്കി.
കേസുമായി ബന്ധപ്പെട്ട് വീഡിയോ ദൃശ്യങ്ങളും പരാതി നല്കിയ പെണ്കുട്ടിയുടെ രഹസ്യ മൊഴിയും കോടതി പരിശോധിച്ചിരുന്നു. പരാതിക്ക് പിന്നില് ബ്ലാക്ക് മെയിലിങ് ആണെന്നായിരുന്നു പ്രതികളുടെ വാദം. കേസ് കെട്ടിച്ചമച്ചതാണെന്നും മോഡലുകളുടെ മരണം ഉണ്ടായപ്പോള് ഉന്നയിച്ച അതേ വാദങ്ങളാ ണ് ഇപ്പോഴും ഉന്നയിക്കുന്നതെന്നും പ്രതിഭാഗം വാദിച്ചു. എന്നാല് ഇത് കോടതി അംഗീകരിച്ചില്ല.
കേസില് വിശദമായ അന്വേഷണം വേണമെന്നും പ്രതികളുടെ കസ്റ്റഡി അനിവാര്യമാണന്നും ചോദ്യം ചെയ്യേണ്ടതുണ്ടെന്നുമുള്ള പ്രോസിക്യൂഷന്റെ വാദം അംഗീകരിച്ചാണ് ജസ്റ്റീസ് പി ഗോപിനാഥിന്റെ ഉത്ത രവ്. കേസുമായി ബന്ധപ്പെട്ട വീഡിയോ ദൃശ്യങ്ങള് കോടതി പരിശോധിച്ചു. പ്രതികള്ക്കെതിരെയുള്ള ആരോപണങ്ങള് നിസാരമല്ലന്ന് പെണ്കുട്ടിയുടെ മൊഴി പരിശോധിച്ച ശേഷം കോടതി കഴിഞ്ഞ ദിവസം പരാമര്ശിച്ചിരുന്നു.
റോയ് അടക്കമുള്ള പ്രതികള് അന്വേഷണവുമായി സഹകരിക്കുന്നില്ലെന്ന് പ്രോസിക്യൂഷന് കോടതിയെ അറിയിച്ചിരുന്നു. 2021 ഒക്ടോബര് 20ന് റോയിയുടെ ഉടമസ്ഥതയി ലുള്ള നമ്പര് 18 ഹോട്ടലില് വച്ച് പീഡിപ്പി ച്ചുവെന്ന് ചൂണ്ടിക്കാട്ടി കോഴിക്കോട് സ്വദേശിയായ യുവതിയും മകളും നല്കിയ പരാതിയിന്മേലാണ് കേസെടുത്തിരിക്കുന്നത്.
