ഡോക്ടർ. പൂർണത്രയി ജയപ്രകാശ് ശർമ്മ
കൊച്ചി :
കർണാടക സംഗീത ലോകത്തെ പ്രശ്സ്ത അവാർഡയായി പരിഗണിക്കപ്പെടുന്ന ” തൃപ്പൂണിത്തുറ ആസ്ഥാന വിദ്വാൻ പുരസ്‌കാരം ” ഈ വർഷത്തെ ജേതാക്കളെ പ്രഖ്യാപിച്ചു.
പ്രശസ്ത ഗഞ്ചിറ വിദ്വാൻ ശ്രീ തൃപ്പണിത്തുറ എൻ. ഗോപാലകൃഷ്ണനും, പ്രശസ്ത ബഹു ഭാഷാ ഗാന രചയിതാവും സംഗീത – ശാസ്ത്ര നിപുണനും നർത്തകനുമായ ഡോക്ടർ. പൂർണത്രയി ജയപ്രകാശ് ശർമ്മയുമാണ് പത്താമത് തൃപ്പൂണിത്തുറ ആസ്ഥാൻ വിദ്വാൻ പുരസ്‌കാരത്തിന് അർഹരായവർ.
കേരള സംഗീതനാടക അക്കാദമിയുടെ അംഗീകാരത്തോടെ നൽകി വരുന്ന അവാർഡുകൾ 2023ആഗസ്റ്റ് 20ന് വൈകുന്നേരം 6 മണിക്ക് ട്രസ്റ്റിന്റെ പതിനൊന്നാമത് വാർഷികാഘോഷത്തിന്റ സമാപന സമ്മേളനത്തിൽ തൃപ്പൂണിത്തുറ കളിക്കൊട്ട പാലസിൽ വെച്ച് വിതരണം ചെയ്യും.
തൃപ്പണിത്തുറ പറക്കടത്തു കോയിക്കൽ ട്രസ്റ്റാണ് അവാർഡ് നൽകി വരുന്നത്.
നെടുമങ്ങാട് ശിവാനന്ദൻ, തൃപ്പണിത്തുറ എൻ. രാധാകൃഷ്ണൻ, കെ. പി. രാജ്മോഹൻ മോഹൻ വർമ്മ, തൃപ്പൂണിത്തുറ കെ. ആർ. ചന്ദ്രമോഹൻ, ദേവി വാസുദേവൻ നമ്പൂതിരി, ഇടപ്പള്ളി ജയമോഹൻ, തൃപ്പൂണിത്തുറ കെ. കണ്ണൻ, തൃപ്പൂണിത്തുറ പി. കെ സജിത്ത്കുമാർ എന്നിവരടങ്ങിയ ജൂറി സമിതി യാണ് ജേതാക്കളെ തിരഞ്ഞെടുത്തത്.
പത്ര സമ്മേളനത്തിൽ പി. കെ ശ്രീദേവി വർമ്മ, പി. സജിത്ത് കുമാർ,പി. കെ സഞ്ജയ്‌ വർമ്മ എന്നിവർ പങ്കെടുത്തു.
