English മലയാളം

Blog

ടെക്‌നോപാർക്ക് മൂന്നാം ഘട്ട വികസനത്തിന് സുപ്രീംകോടതിയുടെ അനുമതി. സർക്കാരിന്റെ വികസന നയങ്ങൾക്കുള്ള അംഗീകാരമാണ് സുപ്രീംകോടതി വിധിയെന്നു മന്ത്രി കടകംപള്ളി സുരേന്ദ്രൻ . കപട പരിസ്ഥിതി വാദമുയര്‍ത്തി തിരുവനന്തപുരത്തെ വികസനം മുടക്കാൻ ശ്രമിച്ച വികസന വിരുദ്ധരുടെ ശ്രമങ്ങൾക്കേറ്റ തിരിച്ചടി കൂടിയാണ് സുപ്രീംകോടതി വിധിയെന്നു മന്ത്രി പറയുന്നു
ഈ  സർക്കാർ അധികാരത്തിൽ ഏറുമ്പോൾ തലസ്ഥാനത്തെ ഐടി മേഖല മുരടിപ്പിന്റെ വക്കിലായിരുന്നു. ഇൻഫോസിസ് 10000 പേർക്ക് തൊഴിൽ നൽകുന്ന തങ്ങളുടെ മറ്റൊരു ക്യാമ്പസ് യുഡിഎഫ് സർക്കാരിന്റെ നിസാഹകരണത്തെ തുടർന്ന് ഉപേക്ഷിച്ചിരുന്നു. Capgemini, Accenture തുടങ്ങി നിരവധി സ്ഥാപനങ്ങൾ ആണ് കഴിഞ്ഞ സർക്കാരിന്റെ കാലത്ത് പിന്മാറിയത്.
 സർക്കാർ ഐടി മേഖലയുടെ ഉത്തേജനത്തിന് പ്രഥമ പരിഗണനയാണ് നൽകിയത്. ഇതിന്റെ ഭാഗമായി പദ്ധതി ഉപേക്ഷിക്കുന്നതിന്റെ വക്കിൽ നിൽക്കുകയായിരുന്ന ടോറസ് കമ്പനിയെ ഉൾപ്പെടെ ചുവപ്പ് നാടകളിൽ നിന്നും മോചിപ്പിച്ച് കേരളത്തിൽ ഉറപ്പിച്ചു നിർത്തി. നിസ്സാൻ, എച്ച് ആർ ബ്ലോക്ക്, ടെക് മഹേന്ദ്ര, ടെറാ നെറ്റ്, ഫ്യൂജിറ്റസു, ഹിറ്റാച്ചി, way dot com തുടങ്ങി നിരവധി ബഹുരാഷ്ട്ര കമ്പനികൾ ആണ് തലസ്ഥാനത്തേക്ക് എത്തിയത്. ടെക്നൊസിറ്റിയിൽ പൂർത്തിയാകുന്ന 2 ലക്ഷം ചതുരശ്ര അടി സ്ഥലം മുഴുവനും വിവിധ കമ്പനികൾ ബുക്ക് ചെയ്തു കഴിഞ്ഞു. കോവിഡ് 19 പ്രതിസന്ധി ഘട്ടത്തിൽ പോലും 20 കമ്പനികളാണ് കേരളത്തിലേക്ക് പുതുതായി എത്തിയത്.
Also read:  മാവോയിസ്റ്റ് വേല്‍മുരുകന്റെ മൃതദേഹം കാണാനെത്തിയ കോണ്‍ഗ്രസ് നേതാക്കള്‍ അറസ്റ്റില്‍