ഗവര്‍ണര്‍ ആരിഫ് മുഹമ്മദ് ഖാന്‍ ബിജെപി-സിപിഎം അവിഹിത രാഷ്ട്രീയത്തിന്റെ ദല്ലാളാണെന്ന് കെപിസിസി അധ്യക്ഷന്‍ കെ സുധാകരന്‍. ഗവര്‍ണര്‍ ആ മഹത്തായ സ്ഥാനത്തിരിക്കാന്‍ യോഗ്യത ഇല്ലാത്തയാളാണ്. ഗവര്‍ണറുടെ അഭിപ്രായങ്ങളും പ്ര ഖ്യാപനങ്ങളും വിശ്വാസ്യ യോഗ്യമല്ലെന്നും നട്ടെല്ലില്ലാത്ത ഗവര്‍ണര്‍ വായിക്കുന്ന ന യപ്രഖ്യാപന പ്രസംഗം കേള്‍ക്കാതിരിക്കുന്നതാണ് നല്ലതെന്നും കെ സുധാകരന്‍
തിരുവനന്തപുരം: കേരളം ഇതുപോലൊരു ഗവര്‍ണറെ ഇതുവരെ കണ്ടിട്ടില്ല. ഗവര്‍ണറുടെ പടപ്പുറപ്പാട് കണ്ടാല്‍ ഭയപ്പെടും.വലിയ കാര്യം പോലെ പറയും,എന്നിട്ട് എല്ലാം അടിയറവ് ചെ യ്യുന്ന രീതിയാണ് ഗവര്‍ ണര്‍ക്ക്. പറയുന്ന എന്തെങ്കിലും കാര്യത്തില്‍ അഭിപ്രായ സ്ഥിരത ഇല്ലാത്തയാളാണ് ഗവര്‍ണറെന്നും ഇത് അദ്ദേഹത്തിന്റെ സ്ഥാനത്തിന് അപമാനമാണെന്നും കെ സുധാകരന്‍ പറഞ്ഞു.
നയപ്രഖ്യാപന പ്രസംഗത്തില്‍ ഒപ്പിടാന്‍ വിയോജിപ്പ് അറിയിച്ച ഗവര്‍ണറെ മിനിറ്റുകള്‍ക്കുള്ളില്‍ സര്‍ക്കാ ര്‍ അനുനയിപ്പിക്കുകയായിരുന്നു. പൊതുഭരണ സെക്രട്ടറി കെആര്‍ ജ്യോതിലാലിനെ മാറ്റി ശാരദാ മുരളീ ധരന് താല്‍ക്കാലിക ചുമതല നല്‍കിയതിന് പിന്നാലെയാണ് ഗവര്‍ണര്‍ നയപ്രഖ്യാപനത്തില്‍ ഒപ്പിട്ടത്. ബിജെപി സംസ്ഥാന കമ്മിറ്റി അംഗം ഹരി എസ് കര്‍ത്തയെ ഗവര്‍ണറുടെ പേഴ്‌സണല്‍ സ്റ്റാഫില്‍ നിയ മിച്ചതില്‍ വിയോജനമറിയിച്ച സര്‍ക്കാരിനെതിരെ ഗവര്‍ണര്‍ രൂക്ഷമായി പ്രതികരിച്ചിരുന്നു.
