മൂന്നാം തരംഗമുണ്ടാകുമെന്ന വിദ ഗ്ധാഭിപ്രായം കണക്കിലെടുത്ത് എല്ലാവരും അതീവ ജാഗ്രത പാലിക്കണമെന്ന മുന്നറിയിപ്പുമായി ആരോഗ്യ മന്ത്രി വീണാ ജോര്ജ്
തിരുവനന്തപുരം: കോവിഡ് വ്യാപനത്തിന്റെ ഇപ്പോഴത്തെ അവസ്ഥയില് അതീവ ജാഗ്രത പാലിച്ചി ല്ലെങ്കില് മൂന്നാം തരംഗമുണ്ടാകുമെന്ന വിദ ഗ്ധാഭിപ്രായം കണക്കിലെടുത്ത് എല്ലാവരും അതീവ ജാഗ്രത പാലിക്കണമെന്ന മുന്നറിയിപ്പുമായി ആരോഗ്യ മന്ത്രി വീണാ ജോര്ജ്. നമ്മള് രണ്ടാം തരംഗ ത്തില് നിന്നും പൂര്ണമായി മോചനം നേടിയിട്ടില്ല. കേരള ജനസംഖ്യയുടെ പകുതിയോളം പേര്ക്ക് രോഗസാധ്യത നിലനില്ക്കുകയാണെന്ന് മന്ത്രി പറഞ്ഞു.
മാത്രമല്ല അതിവ്യാപന ശേഷിയുള്ള ഡെല്റ്റ വൈറസിന്റെ സാന്നിധ്യവുമുണ്ട്. വാക്സിനേഷന് ഭൂരി ഭാഗം പേരിലേക്ക് എത്തുന്നതിന് മുമ്പ് മൂന്നാം തരംഗം ഉണ്ടാകുകയാണെങ്കില് ഗുരുതരാവസ്ഥയും ആശുപത്രി അഡ്മിഷനുകളും വളരെ കൂടുതലായിരിക്കും. വാക്സിന് ലഭ്യമാകുന്ന മുറയ്ക്ക് യുദ്ധകാ ലാടിസ്ഥാനത്തില് പരമാവധി പേര്ക്ക് നല്കി പ്രതിരോധം തീര്ക്കാന് ആരോഗ്യ വകുപ്പ് സുസജ്ജ മാണ്.
ഇതിനായുള്ള നടപടികള് പുരോഗമിക്കുകയാണെങ്കിലും എല്ലാവരിലും വാക്സിന് എത്തുന്നതുവരെ മാസ്കിലൂടെയും സാമൂഹിക അകലത്തിലൂ ടെയും സ്വയം പ്രതിരോധം തീര്ക്കേണ്ടതാണ്. വാക്സിന് എടുത്താലും മുന്കരുതലുകള് തുടരണമെന്നും മന്ത്രി വ്യക്തമാക്കി.
