സംസ്ഥാനത്ത് കനത്ത മഴയും കാറ്റും തുടരുന്നതിനിടെ കോഴിക്കോട് തോണി മറിഞ്ഞ് മത്സ്യത്തൊഴിലാളി മരിച്ചു. മാവൂര്‍ ചാലിപ്പാടത്ത് തോണിമറിഞ്ഞ് മലപ്രം സ്വദേശി ഷാ ജുവാണ് മരിച്ചത്. കൊല്ലം ശക്തിക്കുളങ്ങരയില്‍ ഫൈബര്‍ വള്ളം മറിഞ്ഞ് രണ്ട് മത്സ്യ തൊഴിലാളികളെ കാണാതായി. ശക്തിക്കുളങ്ങര സ്വദേശികളായ ഇസ്തേവ്, ആന്റോ എ ന്നിവരെയാണ് കാണാതായത്. ഇവര്‍ക്കൊപ്പമുണ്ടായിരുന്ന രണ്ട് മത്സ്യ തൊഴിലാളികള്‍ നീന്തി രക്ഷപ്പെട്ടു.
കോഴിക്കോട് : സംസ്ഥാനത്ത് കനത്ത മഴയും കാറ്റും തുടരുന്നതിനിടെ കോഴിക്കോട് തോണി മറിഞ്ഞ് മത്സ്യതൊഴിലാളി മരിച്ചു. മാവൂര്‍ ചാലിപ്പാടത്ത് തോണിമറിഞ്ഞ് മലപ്രം സ്വദേശി ഷാജുവാണ് മരിച്ചത്. റോഡ് വെള്ളത്തില്‍ മുങ്ങി കിടക്കുമ്പോള്‍ മലപ്രം ഭാഗത്ത് നിന്നും മഞ്ഞാടി പ്രദേശത്തേക്ക് ഒരാളെ തോണിയില്‍ കൊണ്ടു പോകുമ്പോള്‍ ആയിരുന്നു അപകടം. ഇന്നലെ രാത്രി 11 നാണ് അപകടം നടന്നത്. ഉടന്‍ തന്നെ ആശുപത്രിയിലെത്തിച്ചെങ്കിലും രക്ഷിക്കാനായില്ല.
കൊല്ലം ശക്തിക്കുളങ്ങരയില്‍ ഫൈബര്‍ വള്ളം മറിഞ്ഞ് രണ്ട് മത്സ്യ തൊഴിലാളി കളെ കാണാതായി. ശക്തിക്കുളങ്ങര സ്വദേശികളായ ഇസ്തേവ്, ആന്റോ എന്നിവരെ യാണ് കാണാതായത്. ഇവര്‍ക്കൊപ്പമുണ്ടായിരുന്ന രണ്ട് മത്സ്യ തൊഴിലാളികള്‍ നീന്തി രക്ഷപ്പെട്ടു. ശക്തമാ യ കാറ്റിലും തിരിയിലുംപ്പെട്ടാണ് വള്ളം മറിഞ്ഞതെന്ന് രക്ഷപ്പെട്ടവര്‍ പ്രതികരിച്ചു.
വടക്കന്‍ ജില്ലകളില്‍ അതിതീവ്ര മഴ തുടരുകയാണ്. വ്യാപക നാശനഷ്ടവും റിപ്പോര്‍ട്ട് ചെയ്തിട്ടുണ്ട്. മാവൂരി ല്‍ കാര്‍ വെള്ളക്കെട്ടില്‍ മുങ്ങി. യാത്രക്കാരെ രക്ഷപ്പെടുത്തി. കക്കയം ഡാമിന്റെ ഷട്ടര്‍ 45 സെന്റിമീറ്ററായി ഉയര്‍ത്തി. കുറ്റ്യാടി പുഴയുടെ തീരത്തുള്ളവര്‍ക്ക് ജാഗ്രതാ നിര്‍ദേശം നല്‍കിയിട്ടുണ്ട്. കോഴിക്കോട് നാല് വീടുകള്‍ ഭാഗീകമായി തകര്‍ന്നു. വയനാട്, കാസര്‍കോട് ജില്ലകളില്‍ സ്‌കൂളുകള്‍ക്ക് അവധി പ്രഖ്യാപി ച്ചിട്ടുണ്ട്.
