കുവൈത്ത് സിറ്റി: 16-ാം വാർഷിക ആഘോഷത്തിന്റെ ഭാഗമായി പ്രത്യേക ഓഫറുമായി ശിഫ അൽ ജസീറ മെഡിക്കൽ ഗ്രൂപ് ഫർവാനിയ സെന്റർ ‘ശിഫ- 16′ എന്ന പേരിൽ ലുലു എക്സ്ചേഞ്ചുമായി ചേർന്നാണ് ആനുകൂല്യങ്ങൾ. ഇതിന്റെ ഭാഗമായി ലുലു എക്സ്ചേഞ്ച് ഉപഭോക്താക്കൾക്ക് ശിഫ അൽ ജസീറ ഫർവാനിയ സെന്ററിൽ എക്സ്ക്ലൂസീവ് ഓഫറുകൾ ലഭിക്കും.ഫർവാനിയ ഏരിയയിലെ ലുലു എക്സ്ചേഞ്ച് ശാഖകളിൽനിന്ന് ഇടപാട് നടത്തുമ്പോൾ ഉപഭോക്താക്കൾക്ക് ശിഫ അൽ ജസീറ ലോയൽറ്റി കാർഡ് ലഭിക്കും. ഇതുമായി ശിഫ അൽ ജസീറ ഫർവാനിയ സെന്ററിലെത്തുന്നവർക്ക് കൺസൽട്ടേഷൻ, ലാബ് ടെസ്റ്റ്, റേഡിയോളജി, കുത്തിവെപ്പുകൾ, നടപടിക്രമങ്ങൾ എന്നിവയിലും മറ്റും എക്സ് ക്ലൂസീവ് കിഴിവുകൾ ലഭിക്കും. ഫർവാനിയയിലെ ശിഫ അൽ ജസീറ മെഡിക്കൽ സെന്ററിൽ മാത്രമാണ് ഓഫർ ലഭ്യമാകുക. കൂടുതൽ വിവരങ്ങൾ 60749749 (വാട്സാപ്), 24734000 നമ്പറുകളിൽ ലഭിക്കും.
ശിഫ അൽ ജസീറയുമായുള്ള സഹകരണം തങ്ങളുടെ ഉപഭോക്താക്കൾക്ക് കാര്യമായ നേട്ടങ്ങൾ നൽകുമെന്ന് ലുലു എക്സ്ചേഞ്ച് ജനറൽ മാനേജർ രാജേഷ് രംഗ്ര പറഞ്ഞു. ലുലു എക്സ്ചേഞ്ച് ബ്രാഞ്ചിൽ നടന്ന ചടങ്ങിൽ ശിഫ അൽ ജസീറ ഓപറേഷൻസ് ഹെഡ് അസീം സേട്ട് സുലൈമാൻ, മാർക്കറ്റിങ് മാനേജർ മോന ഹസ്സൻ, പബ്ലിക് റിലേഷൻസ് ഒഫീസർ കെ.ടി.സമീർ ലുലു എക്സ്ചേഞ്ച് പബ്ലിക് റിലേഷൻസ് ഒഫീ സർ ഫെഷാസ് അഹമ്മദ് ഫസൽ, സുബഹീർ തയ്യിൽ, നിർമൽ സിംങ്, ഇബ്രാഹിം അൽ സയ്യിദ് അൽബ ദാവി എന്നിവർ ചേർന്ന് ഓഫർ പോസ്റ്റർ പ്രകാശനം ചെയ്തു.
