ജിദ്ദ : ജിദ്ദയിലെ ചരിത്ര പരമായ സ്ഥലങ്ങൾ “”റമസാൻ സീസൺ 2025″ ” ഇവന്റുകൾക്ക് ആതിഥേയത്വം വഹിക്കുന്നു. സാംസ്കാരിക മന്ത്രാലയത്തിന്റെ ജിദ്ദ ഹിസ്റ്റോറിക് പ്രോഗ്രാംമാണ് പരിപാടികൾ സംഘടിപ്പിക്കുന്നത്. സാംസ്കാരിക പൈതൃകത്തെ പുനരുജ്ജീവിപ്പിക്കാനും ദേശീയ സ്വത്വം ശക്തിപ്പെടുത്താനുമാണ് ഉത്സവം ലക്ഷ്യമിടുന്നത്.പ്രാദേശിക ഉൽപന്നങ്ങളും പരമ്പരാഗത ഭക്ഷണങ്ങളും പ്രദർശിപ്പിച്ച് പഴയകാല അന്തരീക്ഷം പ്രതിഫലിപ്പിക്കുന്ന ചരിത്രപരമായ വീടുകൾ, പൈതൃക കെട്ടിടങ്ങൾ, പരമ്പരാഗത വിപണികൾ എന്നിവ സന്ദർശിക്കാൻ അവസരമൊരുക്കുന്ന നിരവധി പ്രവർത്തനങ്ങൾ സീസണിൽ ഉൾപ്പെടുന്നുണ്ട്.പരമ്പരാഗത കരകൗശലവിദ്യകളായ അറബിക് കാലിഗ്രഫി, മൺപാത്ര നിർമാണം എന്നിവ പഠിപ്പിക്കുന്നതിനും കരകൗശലവസ്തുക്കളെക്കുറിച്ചുള്ള അവബോധം വർധിപ്പിക്കുന്നതിനും അവയുടെ സാംസ്കാരിക മൂല്യം ഉയർത്തിക്കാട്ടുന്നതിനും പ്രത്യേക ശിൽപശാലകളും നടക്കുന്നുണ്ട്. സൗദി സംസ്കാരത്തിലേക്ക് പുതിയ തലമുറകളെ പരിചയപ്പെടുത്തുന്നതിനും ദേശീയ പൈതൃകവുമായുള്ള അവരുടെ ബന്ധം ശക്തിപ്പെടുത്തുന്നതിനും ലക്ഷ്യമിട്ടുള്ള സംവേദനാത്മക വിനോദ പ്രവർത്തനങ്ങൾ ഇത് വാഗ്ദാനം ചെയ്യുന്നു.
പരിപാടികളിൽ ഏറ്റവും പ്രധാനപ്പെട്ട ഒന്നാണ് ബസ്തത്ത് അൽ ബലദ്”, പഴയ അയൽപക്കങ്ങളുടെ കോണുകളിൽ ഭക്ഷണ വണ്ടികളും പരമ്പരാഗത കിയോസ്കുകളും കഫേകളും അണിനിരക്കുന്നു.ഇവന്റ് രുചിയിൽ മാത്രം ഒതുങ്ങുന്നില്ല. മറിച്ച് ചരിത്രപ്രസിദ്ധമായ ജിദ്ദ പ്രദേശത്തെ പുനരുജ്ജീവിപ്പിക്കുന്നതിലും പ്രാദേശിക സമ്പദ്വ്യവസ്ഥയെ മെച്ചപ്പെടുത്തുന്ന ഒരു സംയോജിത സാംസ്കാരിക കേന്ദ്രമാക്കി മാറ്റുന്നതിലും കൂടുതൽ സന്ദർശകരെയും വിനോദസഞ്ചാരികളെയും ആകർഷിച്ച് സുസ്ഥിര വികസനം കൈവരിക്കുന്നതിലും ഒരു പ്രധാന ഘടകമായി മാറുകയാണ്.
യുവ പ്രതിഭകളെ അവരുടെ സൃഷ്ടികൾ പ്രദർശിപ്പിക്കുന്നതിനും വിപണനം ചെയ്യുന്നതിനുമുള്ള പ്ലാറ്റ്ഫോമുകൾ നൽകുന്നതിലൂടെയും അവരുടെ കഴിവുകൾ ഉയർത്തിക്കാട്ടുന്ന സാംസ്കാരികവും കലാപരവുമായ പ്രവർത്തനങ്ങളിൽ അവരെ ഉൾപ്പെടുത്തുന്നതിലൂടെയും ഇത് പിന്തുണയ്ക്കുകയും ശാക്തീകരിക്കുകയും ചെയ്യുന്നു. സൗദി വിഷൻ 2030 ന്റെ ലക്ഷ്യങ്ങൾക്ക് അനുസൃതമായി ഈ പ്രദേശത്തെ ഒരു സാംസ്കാരിക കേന്ദ്രമാക്കി മാറ്റുന്നതിന് ഈ പ്രോഗ്രാം സന്ദർശകർക്ക് ഒരു സവിശേഷ അനുഭവം നൽകുകയും ചെയ്യും.
ലിവ ഈന്തപ്പഴ വിപണന മേള പതിനാറ് മുതല്
July 7, 2022
